tengrinews.kz
Almaty oblysynyń №4 blokbeketinde jol-kólik oqıǵasynan zardap shekken úshinshi polısııa qyzmetkeri Erbulan Seıdazim esin jıdy. Bul týraly Almaty qalalyq densaýlyq saqtaý basqarmasy habarlady.
– Naýqastyń jaǵdaıy jaqsardy. Esin jıdy, suraqtarǵa jaýap bere alady. Qaıda jáne ýaqyttyń qansha ekenin biledi. Biraq basy áli de aýyrady. Bólmede óz betinshe qımyldap, júre alady" delingen basqarma baspasózi taratqan habarlamada.
Eske sala keteıik, 25 mamyr kúni tańǵa jýyq № 4 blokbekette BMW júrgizýshisi mas kúıinde beton qorshaýǵa soǵylyp baryp, ınersııamen patrýldik polısııa kóligin soqqan. Kólik ishinde eki polısııa qyzmetkeri Dastan Ábdiqanov pen Jaras Janǵazıev bolǵan, olardyń biri oqıǵa ornynda qaıtys bolyp, al ekinshisi esin jımastan aýrýhanada qaıtys boldy. Qaıǵyly oqıǵa bolǵan kúni 26 jastaǵy Erbulan Seıdazim baqylaý-ótkizý pýnktinde kezekshilikte bolyp, basynan aýyr jaraqat alǵan bolatyn.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir