• USD 412.55
  • EUR 468.66
  • RUB 5.79
  • CNY 58.8

28 Mamyr, 2020 Aımaqtar

2020 jyldyń 1 maýsymynan bastap Mańǵystaý stansııasynan Nur-Sultan, Almaty, Aqtóbe, Beıneý baǵytyna poıyz júre bastaıdy

qamshy.kz

2020 jyldyń 1 maýsymynan bastap Mańǵystaý stansııasynan Nur-Sultan, Almaty, Aqtóbe, Beıneý baǵytyna poıyz júre bastaıdy.

Bul týraly Mańǵystaý oblysynyń qoǵamdyq kommýnıkasııa ortalyǵynda ótken brıfıngte Mańǵystaý temirjol vokzalynyń basshysy Alma Aıymqulova aıtty.
Jolaýshylar mindetti túrde qorǵanys quraldary, ıaǵnı betperdesi men jol júrý bıleti bolǵan jaǵdaıda vokzal ǵımaratynyń negizgi kireberisinen kirgiziledi. Aldymen jolaýshylardy baılanyssyz termometrııa arqyly tekserý júredi. Joǵary temperatýrasy nemese tumaý belgileri baıqalǵan jaǵdaıda jolaýshylar poıyzǵa jiberilmeıdi jáne vokzal ǵımaratyna shyǵaryp salýshylardyń kirýine tyıym salynady.
Úıden shyǵar aldynda 20 mınýt buryn dene qyzýyn ólsheý kerek. Eger dene qyzýy 37 nemese odan joǵary bolǵan jaǵdaıda úıde qalyp, jergilikti dárigerlerge habarlasý qajet.
-«Temir jol vokzal ǵımaratyna jáne vagondarǵa mindetti túrde betperdemen kirýge jáne ara-qashyqtyqty saqtaýǵa tıis. Osyǵan baılanysty jolaýshylardan erte kelýi suralady. Jolaýshylardy dúrbeleń jasamaı, bir-birine keminde 1 metr qashyqtyqta turýyn, karantın rejımin saqtap, osy jaǵdaıda túsinistikpen qarap, sabyrlyq tanytýlaryn suraımyz», - dedi Mańǵystaý temirjol vokzalynyń basshysy Alma Aıymqulova.
Aıta keteıik, jol júrý saparynda jolaýshylar mindetti túrde ózimen birge qorǵanysh quraldaryn, maska, qolǵap jáne antıseptık alyp júrý qajet.

 

Ilmek sózder: Mańǵystaý oblysy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir