• USD 405.69
  • EUR 455.51
  • RUB 5.72
  • CNY 57.42

06 Maýsym, 2020 NEWS

Almatyda karantın rejımin saqtamaǵany úshin 74 nysannyń qyzmeti toqtatyldy

almaty.gov.kz

Almatyda qala ákimi Baqytjan Saǵyntaevtyń tapsyrmasymen karantın rejıminiń saqtalýyn qadaǵalaý boıynsha jumystar jalǵasýda. Monıtorıngtik top músheleri kún saıyn qoǵamdyq oryndar, saýda oryndary men basqa da nysandardy aralap, tekseredi.
 
Taýarlar men kórsetiletin qyzmetterdiń sapasy men qaýipsizdigin baqylaý departamentiniń aýdandyq bólim qyzmetkerleri júrgizgen jumys barysynda zańbuzýshylyqtar anyqtaldy – 100 adamǵa arnalǵan Gastro Bar "ZTB" qoǵamdyq tamaqtaný nysany jumys istep turǵan. Mekeme 23.00-den keıin jumysyna kirisken, sondaı-aq, munda kelýshiler koronavırýs ınfeksııasynyń taralýyn boldyrmaý maqsatynda tyıym salynǵanyna qaramastan, qorqor shekken.
 
Anyqtalǵan tártip buzýshylyqtar boıynsha Jol patrýldik polısııa qyzmetkerleri QR Ákimshilik quqyqbuzýshylyqtar týraly kodeksiniń 441-babyna sáıkes, ákimshilik quqyqbuzýshylyq týraly hattama toltyrǵan.
 
Buǵan deıin de birqatar nysandarda: Inessa» azyq-túlik dúkeni, «Alash» dámhanasy, doner ashanasy, shaýrma satatyn dúńgirshek, «Frat Gelmez»  sulýlyq salony jáne Medeý aýdanynyń aýmaǵynda «sofra», «Taǵam» ashanalarynda, «Small»  sýpermarketinde : sanıtarlyq-epıdemıologııalyq talaptardyń buzylǵany anyqtalǵan. Jekeleı alǵanda, maska taǵý rejıminiń oryndalmaýy, qyzmetkerlerde qolǵaptardyń bolmaýy, sanıtaızerler men terige arnalǵan antıseptıkterdiń, dezınfeksııalyq quraldardyń, termometrııa júrgizetin jýrnaldardyń,  joqtyǵy, sonymen birge, tıisti emes azyq-túlikti saqtaýǵa qatysty zańbuzýshylyqtar oryn alǵan.
 
Monıtorıngtik toptar jumysyn bastaǵaly qalada barlyǵy 2 353 nysan tekserilip, olardyń ishinde 136 nysannan Almatynyń Bas memlekettik sanıtar dárigeriniń qaýlysyndaǵy talaptaryna qatysty tártip buzýshylyqtar anyqtaldy. Soǵan baılanysty, 74 nysannyń (onyń ishinde 56-sy nysan basshylyǵynyń sheshimimen) qyzmeti toqtatylyp, nysandaǵy óreskel tártip buzýshylyqtarǵa qatysty ákimshilik zańbuzýshylyqpen baılanysty 77 hattama toltyryldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir