• USD 468.56

  • EUR 497.56

  • RUB 7.3

  • CNY 67.18

29 Naýryz, 17:50:53
Almaty
+35°

Mańǵystaý aýdanynda «Jumyspen qamtýdyń jol kartasy» aıasynda 17 joba júzege asady.

Bul týraly óńirlik qoǵamdyq kommýnıkasııalar ortalyǵynda ótken brıfıngte Mańǵystaý aýdan ákiminiń orynbasary Talǵat Qylańov málimdedi. Atalǵan ınfraqurylymdyq jobalardy iske asyrýdyń jedel monıtorıngi bekitilip, tender jarııalanǵan. 15 merdiger mekememen aýdan ákimdigi kelisimshartqa otyrdy.
17 jobanyń 15-i jergilikti, ekeýi respýblıkalyq bıýdjetten qarjylandyrylady. Ár jobaǵa aıasynda qurylatyn jumys oryndarynyń 50 paıyzyna deıin jumyssyz turǵyndarǵa joldama berý kerektigi kelisimshartta kórsetilgen.
-«Osyǵan oraı bizdiń aýdanǵa qarasty ár aýyl ákimdikterinen turaqty tabys kózi joq azamattardyń tizimi jasalyp, brıgada uıymdastyrý jumystary júrgizildi. Qazirgi ýaqytta 17 jobanyń 15-in júzege asyrý qolǵa alyndy. Jospar boıynsha 599 jumys orny qurylady. Onyń ishinde 299 orynǵa jumyssyz azamattar jumyspen qamtý ortalyǵy arqyly alynýda. Kúni búginde 265 adam joldama alyp, jalpy sany 586 turǵyn jumysqa qabyldandy» - dedi T.Qylańov.
Endi kezekte ár jobaǵa toqtalsaq. Saı О́tes aýylynyń Tolybaı kóshesi avtojolynyń qurylysyn «Aqjol Qurylys» seriktestigi tenderden jeip aldy. Joba quny 509 mln 693 myń teńge. Ashylǵan jumys orny 70 oryn. Onyń ishinde jumyspen qamtý arqyly joldama alǵan adam sany - 39.
Osy mekeme Saı-О́tes stansııasynda temirjol arqyly ótetin jaıaý júrginshi kópiriniń de qurylysyn júrgizedi. 56 mln 952 myń teńgege baǵalanǵan joba aıasyna 14 jumys orny ashylýy tıis.
-«Shetpe-Qyzan arqyly 12,988 shaqyrymdyq avtojolynyń kópirin «Design School» seriktestigi jóndeıdi. 117 mln 339 myń teńgelik joba aıasynda 30 jumys orny qurylady. Shetpe aýylishilik joldarǵa ortasha jóndeý jasaýǵa «Abat» seriktestigi jaýapty. Bólingen 240 mln 800 myń teńgeniniń 74 mlndaıy ıgerildi. 36 jumys orny ashyldy. Shaıyr aýyldyq T.Jalǵasbaıuly atyndaǵy mektepke aǵymdaǵy jóndeý jasaýǵa da osy mekeme 105 mln teńgelik jobany jeńip aldy. Munda kózdelgeni 15 oryn, onyń ishinde jumyspen qamtý arqyly 7 adam joldama aldy» - deıdi T.Qylańov.
Jyńǵyldy aýyldyq Nurnııazuly atyndaǵy mektep-ınternat jataqhanasyna aǵymdyq jóndeý jumystaryn «Nurlyjolservıs» JShS-i júrgizýde. Kelisimshartta kórsetilgen 33 mln 488 myń teńgeniń 12 mln 897 myń teńgesi ıgerilgen. Ashylǵan jumys orny 18.
Jarmysh aýylyndaǵy orta mektepti jóndeýge 75 mln teńge qaralǵan. 40 jumys orny qurylǵan. Onyń ishinde jumyspen qamtý arqyly joldama alǵan adam sany 15.
Shebir aýyldyq «Qaratóbe» orta mektebine jóndeý jasaýǵa «BekStroı» seriktestigi 33 mln 600 myń teńge jeńip aldy. Igerilgeni 13 mln 339 myń teńge. 25 jumys orny ashylǵan. Jumyspen qamtý arqyly joldama alǵan adam sany 12.
Ortalyq stadıondy aǵymdaǵy jóndeýge 234 mln 817 myń teńge bólingen. Onyń 93 mln 927 myń teńgesi ıgerildi. 105 adam jumysqa turǵan. Onyń 52-si joldama alǵan.
Aýdandyq jasóspirimder sport mektebiniń kúres zalyna jóndeý jasaýǵa 44 mln 240 myń teńge qaraldy. Igerilgeni 18 mln 208 myń teńge. 35 jumys orny quryldy. Onyń 19-y jumyspen qamtý arqyly joldama alǵandar.
Osy sport mektebiniń boks zalyna 56 mln 890 myń teńgege jóndeý jasalýda. Ashylǵan jumys orny 35, jumyspen qamtý arqyly joldama alǵan adam sany 17.
Shaıyr aýyldyq mádenıet úıine 15 mln 976 myń teńgege aǵymdaǵy jóndeý jumystary júrip jatyr. 8 mlndaı qarjy ıgerilgen. Ashylǵan jumys orny 15 oryn, onyń ishinde joldama alǵan adam sany 7.
Shetpedegi ortalyq alań men saıabaqty abattandyrý, ondaǵy monýmentterge ortasha jóndeý jumystaryn júrgizýdi «Mantekom» JShS-i kelisimshart boıynsha 224 mln teńgeni jeńip aldy. Ashylǵan jumys orny 65 oryn, onyń 30-y jumyspen qamtý arqyly joldama alǵandar.
Jarmysh aýylyndaǵy 200 oryndyq klýbtyń 281 mln 563 myń teńge bólingen. Igerligeni 74 mln 234 myń teńge. 37 jumys orny ashylǵan, 7-ýi jumyspen qamtý arqyly joldama alǵan.
Ondy selosynda dárigerlik ambýlatorııa salýǵa 196 mln 198 myń teńge qaralyp tur. munda 60 adamǵa jumys berilýi tıis. Onyń 25-i joldama arqyly ornalasa alady.
Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasynyń oryndalysy týraly.
Aýdandyq jumyspen qamtý ortalyǵyna bıylǵy jyl basynan beri 1063 adam habarlasqan. Onyń ishinde 1059-i jumys izdeýshi retinde tirkeldi. Qazirgi ýaqytta resmı tirkelgen jumyssyzdar sany 500 adamdy quraıdy. Aýdandaǵy jumyssyzdyqtyń jalpy deńgeıi 3,2 % qurap otyr.
Mańǵystaý aýdany boıynsha jumyspen qamtý jáne aleýmetttik baǵdarlamalar, azamattyq hal aktilerin tirkeý bóliminiń basshysy Marat Orazalıevtiń aıtýynsha, memlekettik baǵdaralmasynyń 1-shi baǵyty boıynsha qysqa merzimdik oqý kýrstarynda 126 azamatty oqytý josparlanǵan. Al tehnıkalyq jáne kásiptik oqytý boıynsha bıyl óńirdegi kolledjderge 80 adamdy oqytý kerek.
-Baǵdarlamanyń ekinshi baǵyty boıynsha boıynsha aýdandyq kásipkerler palatasy arqyly «Bastaý-bıznes» jobasymen 110 adamdy oqytý josparlanǵan. Tótenshe jaǵdaıǵa baılanysty oqý maýsym aıyna shegerildi, «onlaın» rejıminde ótkizý 10 maýsymǵa qoıyldy. Bıyl jospar boıynsha 65 adamǵa 200 AEK (555,6 m.t.) mólsherinde 36 mln 114 myń teńge qaıtarymsyz grant bólindi. Aýdan kóleminde 5 múshesi bar komıssııa qurylyp, 6 adamnyń qujaty komıssııa múshesine usynyldy. Bes adamnyń qujaty maquldanyp 15 mamyrda sheshim shyqty, qarjysy (200 AEK) 2 278 000 teńge ıgerildi. Kelesi komıssııa otyrysyna 1 maýsymda 20 adamnyń qujaty tapsyryldy, qazir olarmen kelisim shartqa otyryp jatyrmyz» - deıdi ol.
«AShQQQ» AQ-nan beriletin 6 paıyzdyq nesıege (onyń ishinde kóp balaly otbasylarǵa jáne ataýly áleýmettik kómek alýshylarǵa 4 paıyzben) bıyl aýdanǵa 170 mln teńge qarastyrylǵan. Túsindirý jumystary aýyl ákimdikterine onlaın rejımde júrdi jáne áleýmettik jelilerge jarııalandy. Nesıe alýshylardyń tizimi jasalyp, qujattary jınaqtalyp jatyr. Jalpy byltyrǵy qarajattan 2 adamǵa 8 mln teńge nesıe berilse, bıyl 7 adam joldama alǵan.
-«Tótenshe jaǵdaıdyń aldyn-alý maqsatynda shtabqa baǵynyshty jumys toptarynyń is-sharalar josparyna oraı, jumysshylardyń eńbek quqyqtaryn jáne kepildikterin qamtamasyz etý jóninde Mańǵystaý aýdany ákimdigi jumys berýshi mekemelermen ózara yntymaqtastyq týraly memorandým jasaqtady. Olardyń ishinde 3 iri kásiporyndardan 2000-ǵa jýyq qyzmetkerdi qamtıtyn «Qaraqudyqmunaı», «KaspııSement», «BozashyTransQurylys» JShS-i memorandýmǵa qol qoıdy. «Mańǵystaýmunaıgaz» AQ-na usynys tastaldy. Olar bir memorandýmǵa otyrýǵa sheshimin berdi. «Kom-munaı», «Sı-Bý» JShS-i de memorandýmdy talqylaýǵa óz usynystaryn berdi. Aıta ketsek, aýdanǵa qarasty orta kásiporyndardan 9 mekeme (820 qyzmetker), kishi kásiporyndardan 3 (5 qyzmetker) mekeme memorandýmymen tanysyp, qol qoıdy» - dedi Marat Orazalıev.
Aýdandyq jumyspen qamtý ortalyǵy joldamasymen 167 adam turaqty jumysqa ornalastyrylǵan. Jastar praktıkasymen áleýmettik jumys ornyna 169 adam josparlanyp, respýblıkalyq bıýdjetten 23 mln 461 myń teńge, jergilikti bıýdjetten 10 mln 916 myń teńge bólinip otyr.
Nátıjesinde 64 adam jastar praktıkasyna, áleýmettik jumys ornyna 64 adam tartylǵan. Aqyly qoǵamdyq jumystarǵa jospar boıynsha 300 adam, bul maqsatqa jergilikti bıýdjetten berilgen qarjysy 95 mln 188 myń teńge bólindi. Bul rette 309 adam joldama alǵan soń, basynda qaralǵan qarjy jyldyń sońǵy úsh aıyna jetpeıdi. Osy sebepti qosymsha 50 mln teńge surastyrylyp qoıyldy. Budan bólek aqyly qoǵamdyq jumystarǵa bıyl respýblıkalyq bıýdjetten 25 mln bólingen. Maýsym aıynda suranys túsken mekemelerge joldama beriletin bolady.
Ataýly áleýmettik kómek boıynsha - jumyspen qamtý ortalyǵy 816 adamy bar 144 otbasyna ataýly áleýmettik kómek taǵaıyndalǵan (onyń ishinde sharttysy 118 otbasy 683 adam, shartsyzy 26 otbasy 133 adam).
Naýryz, sáýir, mamyr aıynda azyq-túlik jıyntyǵy úshin 124 otbasynyń 6-18 jas aralyǵynda 309 balasyna, atap aıtsaq ár balaǵa 5567 tg kóleminde qarajat tólengen.

 

"Qamshy" silteıdi
Ilmek sózder: Mańǵystaý oblysy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir