• USD 405.69
  • EUR 455.51
  • RUB 5.72
  • CNY 57.42

08 Maýsym, 2020 NEWS

Erlan Nysanbaev: Ulttyq parktegi jerler satylmaıdy

Kórneki sýret

QR Ekologııa, geologııa jáne tabıǵı resýrstar vıse-mınıstri Erlan Nysanbaev Ile-Alataý ulttyq parkindegi jerler satylmaıdy jáne sheteldik kompanııalarǵa paıdalanýǵa berilmeıdidedi. Bul týraly Facebook paraqshasynda jazdy.

"Qurmetti qazaqstandyqtar!

О́zderińizge belgili, Almaty jurtshylyǵy Ile-Alataýy ulttyq parkinde eko-týrızmdi damytýǵa qatysty məsele kótergen edi.

Atap ótsem, 2019-2025 jyldarǵa arnalǵan týrıstik salany damytýdyń memlekettik baǵdarlamasy sheńberinde sheteldik, onyń ishinde AQSh-tyń tabysty təjirıbesi negizinde ulttyq parkti damytýdyń bas jospary jasaldy. Osyǵan oraı, óz moınyna ulttyq parktiń ınfraqurylymyn qorshaǵan ortaǵa zııan keltirmeı damytý mindetin alǵan jaýapty qazaqstandyq ınvestor anyqtaldy.

Birden nazar salatyn jáıt, Ulttyq parktegi jerler satylmaıdy! О́zge eldiń azamattary men sheteldik kompanııalarǵa paıdalanýǵa berilmeıdi! Oǵan Qazaqstan Respýblıkasynyń zańy boıynsha tyıym salynǵan!

Ulttyq parkterdiń qazirgi jaǵdaıyn ózderińiz kórip otyrsyzdar: kəýaphana, abajadaı meıramhanalar, sapasyz qyzmet, súreńsiz kórinister. Jaǵdaıdy túbirimen ózgertpeı bolmaıdy. Birinshi orynda adam men tabıǵattyń baılanysy turýy tıis. Tıisinshe, joldardy, kórý alańdaryn, ózen ústindegi kópirlerdi, tabıǵı úndestikti buzbaıtyn shaǵyn nysandardy salý kerek. Osynyń bərin jolǵa qoıatyn qazaqstandyq ınvestorge jalǵa nebári 35 ga jer ýchaskeleri paıdalanýǵa berildi.

Investormen kezeń-kezeńmen 10 zamanaýı vızıt-ortalyqtar salý, 155 km astam jaıaý marshrýttar jaılastyrý jáne taǵy basqalar josparlanýda. Joba aralas salalarda jańa jumys oryndaryn qurýǵa múmkindik beredi, kásipkerliktiń damýyn jáne týrızm salasyndaǵy joǵary bilikti kadrlardyń ósýin qamtamasyz etedi.

Investormen barlyq jumystar qorshaǵan ortaǵa zııan keltirmeı iske asyrylady, al turǵyzylatyn qurylymdar zamanaýı ekologııalyq materıaldardan ázirlenedi.

Aıta keterligi, ulttyq park burynǵydaı kez-kelgen qazaqstandyq úshin qoljetimdi bolyp qala beredi. Eshqandaı qorshaýlar bolmaıdy.
Osy apta boıy Almaty jurtshylyǵymen, belsendilermen, jýrnalıstermen kezdestik. Halyqtyń barlyq talap-tilegi eskeriledi. Nətıjesinde Ulttyq park janynda Qoǵamdyq keńes quratyn bolyp sheshtik. Investordyń barlyq jumystardy sapaly túrde oryndaýyn biz halyqpen birge qadaǵalaıtyn bolamyz. Tabıǵatqa eshqandaı zalal kelmeıdi. Ol qatań túrde qadaǵalanady" delingen jazbada.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir