Sybaılas jemqorlyq quqyq buzýshylyq faktisi týraly habarlaǵan tulǵa memleket qorǵaýynda bolady

Sybaılas jemqorlyq quqyq buzýshylyq faktisi týraly habarlaǵan tulǵa memleket qorǵaýynda bolady. 

Bul týraly MO qoǵamdyq kommýnıkasııa qyzmetiniń baspasóz ortalyǵynda ótken brıfıngte QR Sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamenti basshysynyń birinshi orynbasary Serik Qanybekov habarlady.

Eger siz memlekettik qyzmetshiler tarapynan sybaılas jemqorlyq kórinisterine tap bolsańyz nemese zańsyz sybaılas jemqorlyq buzýshylyqtarynyń eriksiz kýágeri bolsańyz, Sybaılas jemqorlyqqa qarsy qyzmettiń biryńǵaı Sall-ortalyǵy arqyly tegin 1424 nómiri boıynsha habarlaı alasyz.

1424 Call-ortalyq arqyly júginý 24/7 qaǵıdasy boıynsha qyzmet kórsetedi.
1424 Sall-ortalyǵy azamattarǵa kelesi máseleler boıynsha keńes beredi:
- sybaılas jemqorlyqqa qarsy is-qımyl;
- sybaılas jemqorlyqqa qarsy qyzmetke jumysqa ornalasý;
- sybaılas jemqorlyqqa qarsy qyzmet óndirisindegi ótinishter men habarlamalardy qaraý barysy týraly;
- sybaılas jemqorlyq quqyq buzýshylyq faktisi týraly habarlaǵan nemese sybaılas jemqorlyqqa qarsy is-qımylǵa ózge de jolmen járdemdesetin tulǵalardy kótermeleý;
- sybaılas jemqorlyqqa qarsy qyzmettiń quzyretine kiretin ózge de máseleler.
- Habarlamalardy qabyldaý: sybaılas jemqorlyq faktileri týraly, onyń ishinde jasalǵan nemese daıyndalyp jatqan sybaılas jemqorlyq quqyq buzýshylyqtar týraly.
- Sybaılas jemqorlyqqa qarsy qyzmet qyzmetkerleriniń zańsyz áreketteri (áreketsizdikteri) týraly;
- Kásipkerlik qyzmetke kedergi jasaý máselelerine qatysty;
- Sybaılas jemqorlyqqa qarsy qyzmet izdeýdegi adamdar týraly málimetter;
- Sybaılas jemqorlyqqa qarsy qyzmettiń áreketine qatysty (pikirler, usynystar).
Sybaılas jemqorlyq quqyq buzýshylyq faktileri týraly habarlaǵan nemese sybaılas jemqorlyqqa qarsy is-qımylǵa ózge de jolmen járdemdesetin adamdardy kótermeleý Sybaılas jemqorlyq quqyq buzýshylyq faktisi týraly habarlaǵan nemese sybaılas jemqorlyqqa qarsy is-qımylǵa ózgeshe túrde járdem kórsetetin adam memleket qorǵaýynda bolady jáne Qazaqstan Respýblıkasynyń Úkimeti belgilegen tártippen kótermelenedi.
Birjolǵy aqshalaı syıaqy túrindegi kótermeleý mynadaı mólsherde belgilenedi:
eger para nemese zalal mólsheri 1000 AEK (2 mln 778 myń teńgeden)aspasa:
- sybaılas jemqorlyq quqyq buzýshylyqtar týraly ákimshilik ister boıynsha – 83 340 teńge (30 AEK);
- sybaılas jemqorlyq qylmystar týraly qylmystyq ister boıynsha – 111 120 teńge (40 AEK);
- sybaılas jemqorlyq qylmystary boıynsha ortasha aýyrlyqtaǵy qylmystyq ister boıynsha – 138 900 teńge (50 AEK);
- aýyr sybaılas jemqorlyq qylmystar týraly qylmystyq ister boıynsha – 194 460 teńge (70 AEK);
- asa aýyr sybaılas jemqorlyq qylmystar týraly qylmystyq ister boıynsha – 277 800 (100 AEK).
Para nemese zalal kólemi 1000 AEK (2 mln 778 myń teńgeden) joǵary bolsa, onda syıaqy mólsheri paranyń 10% quraıdy, biraq 4000 AEK (11 mln 100 myń teńge) joǵary emes.
Joǵaryda atalyp ótkendeı, Mańǵystaý oblysy boıynsha birjolǵy aqshalaı syıaqy alǵandar sany:
2018 jyly– 6 adam, 914 000 teńge kólemin qurasa,
2019 jyly – 13 adam, 2 500 000 teńge kólemin qurady.
2020 jyldyń birinshi toqsany boıynsha syıaqy alǵan tulǵalar bolmaǵan.
Sonymen qatar 2019 jyldyń eń joǵarǵy syıaqy mólsheri -176 750 teńge (70 AEK), eń tómengi – 101 000 teńgeni (40 AEK) qurady.