• USD 412.55
  • EUR 465.73
  • RUB 5.79
  • CNY 58.91

06 Maýsym, 2020 NEWS

Prezıdenttiń baspasóz hatshysynan koronavırýs tabyldy. Endi prezıdent karantınge jata ma?

kapital.kz

Prezıdenttiń baspasóz hatshysy Berik Ýálıdiń koronavırýs juqtyrǵany belgili boldy. Bul týraly ol óziniń facebook paraqshasynda jazdy. 

"Ardaqty aǵaıyn!
О́kinishke qaraı, búgin asa bir jaısyz jańalyqty jarııalaıyn dep otyrmyn. Álemdi aınalyp, elimizdi sharlap ketken koronavırýs indeti menen de tabyldy. Keshe tapsyrǵan test qorytyndysy oń nátıje berdi. Qazir aýrýhanada, dárigerlerdiń qaraýynda jatyrmyn. Jaǵdaıym bir qalypty. Asa alańdaıtyndaı emes. Em qabyldaýdamyn.
Basyn ashyp aıtatyn másele, Prezıdent belgilengen kestege sáıkes jumys istep jatyr. Memleket basshysynyń densaýlyǵyna eshqandaı qaýip tónip turǵan joq. Qasym-Jomart Kemeluly únemi test tapsyryp, qorytyndysyn alyp otyr. Aqordada sanıtarlyq rejım kúsheıtilip, qaýipsizdik sharalary qataıtylǵan.
Osy indet bastalǵaly barlyǵymyz dabyl qaǵyp, saqtanýǵa, dertti juqtyrmaýdyń joldaryn qarastyrýǵa shaqyryp kelemiz. Biraq pandemııaǵa senbeıtin, aýrýdy joq deýshiler azaımaı tur. Ondaıda "Aýyrǵan adamdy kórsetińdershi", "Meniń tanysymnyń birde-biri aýyrǵan joq. Sonda onymen kim aýyryp jatyr?", "Aýyrǵan adamdardyń attaryn nege atamaıdy?" degen sııaqty pikirlerdi jıi estıtinbiz. Mine, men dert juqtyrdym, ony jasyrmaı jarııalap otyrmyn. Mundaǵy maqsat alańsyz júrgen azamattar oılansyn, senbeı júrgen kisilerdiń kózi jetsin degenim. Aýrý bar. Ony juqtyrýshylardyń sany kún saıyn artyp jatyr. Qansha jerden saqtyq sharalaryn qatań saqtap júrsek te, biz de juqtyrdyq. Endi emdelý kerek.
Barshańyzdy ózderińizdiń jáne jaqyndaryńyzdyń densaýlyǵyn saqtaý úshin karantın rejımi men profılaktıkalyq sharalardy ustanýǵa shaqyramyn. Pandemııaǵa jeńil-jelpi qaraýǵa bolmaıdy.
Barlyǵyńyzǵa amandyq tileımin!", - dep jazdy Berik Ýálı.
 
Búginde Qazaqstanda 12511 adamnan koronavırýs anyqtalǵan, 53 adam aýrýdan qaıtys bolǵan.
 
Ilmek sózder: Qazaqstan Berik Ýálı

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir