06 Maýsym, 2020 NEWS

Polısııa Dýlat Aǵadildiń 18 jastaǵy ulyn qylqyndyrǵan (vıdeo)

"Alty kólikpen alty jaǵynan qorshap alǵan"

Dýlat Aǵadildiń uly

Áleýmettik jelide elordadaǵy tergeý ızolıatorynda qaıtys bolǵan belsendi Dýlat Aǵadildiń ulyn polısııa qyzmetkerleri qylqyndyrdy delingen vıdeo taraýda. Vıdeoda marqumnyń ulyn "belsendilerdi tasymaldap júr" degen jeleýmen polıseıler kólikpen ketip bara jatqan jerinen toqtatyp, kúsh kórsetkeni aıtylady. Vıdeony Aǵadildiń týystary túsirgen.

Vıdeodan jas jigittiń moınynda syrylǵan jerler bar ekenin baıqaýǵa bolady.

"Mynaý Dýlat Aǵadildiń úıi, myna bala sol kisiniń balasy. Esimi – Bekzat. Mynanyń moınyn qara, oıbaı, qylqyndyryp tastaǵan. Jigit bolǵan soń otyr, kúlip eshteńe de aıtpaı. Ájesi de kórdi. "Ne boldy?" dep surasaq, "qylqyndyrdy" dep jatyr. Mynany qara, týra tynys alý joldarynan qylqyndyrǵan. Ákesin óltirgenderi azdaı, balasyn óltirýge kóshti me... Qylqyndyrǵandardyń arasynda polısııa qyzmetkerleri men azamattyq kıimdegi adamdar bar. 18-jastaǵy bala ǵoı bul. Taksı júrgizýshisi bolyp qyzmet etip júrgen jerinen alty kólikpen qorshap alyp, qylqyndyrǵan" deıdi vıdeodaǵy áıel.

Vıdeo alǵash belsendi Erjan Turǵymbaıdyń youtube jelisindegi arnasynda jarııalanǵan.

 

Ilmek sózder: Dýlat Aǵadil

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir