El erteńi - bilimdi jastar

«Biz Qazaqstannyń bolashaǵy sanalatyn jastardy qoldaýymyz kerek. Jastar men otbasy ınstıtýtyn keshendi qoldaý – memlekettik saıasattyń basymdylyǵyna aınalýy tıis. Jastardyń barlyq sanatyn qoldaýǵa arnalǵan sharalardy tolyq qamtıtyn áleýmettik satynyń aýqymdy platformasyn qalyptastyrý kerek. Kelesi jyldy Jastar jyly dep jarııalaýdy usynamyn»,- dedi elbasy N.Á. Nazarbaev.

2019 jyly Jastar jyly dep jarııalaý jańa áleýmettik saıasatyn iske asyrý komponentteriniń biri bolyp tabylady. Onyń máni memlekettiń jeke tulǵany jan-jaqty damytý jáne qoǵamnyń ál-aýqatyn arttyrý úshin barlyq qajetti jaǵdaılar jasaý bolyp tabylady.

QR Prezıdenti Qasym-Jomart Toqaev jastardyń damý jáne olardy qoldaý maqsatynda is-sharalar júrgizý jáne baǵdarlamalar ázirleý kerek ekendigine erekshe kóńil bólip keledi, sebebi memlekettiń bólashaǵy dál osy jastar bolyp tabylady. Jastar – kez kelgen memlekettiń eń belsendi bóligi, qoǵamnyń qozǵaýshy kúshi. Sondyqtan el tiregi – jastar ekenin áste esten shyǵarmaǵan abzal. Qazaqstannyń álemniń eń damyǵan 30 eliniń qataryna kirýi jolynda jastardyń atqaratyn róli zor. Qazaqstanǵa bilimdi, kreatıvti, senimdi jastar – óz Otanyn damytý úshin qyzmet etýge daıyn, bolashaq kóshbasshylar qajet. Alaıda, mundaı urpaqty tárbıeleý úshin, eń aldymen, jan-jaqty damýǵa barlyq jaǵdaı jasalýy tıis. Osylaısha, osy baǵytta bilim berý baǵdarlamalary, turǵyn úımen qamtamasyz etý, jumysqa ornalastyrý baǵdarlamalary iske asyrylatyn bolady. Sondaı-aq, jastardyń bastamalary men ınnovasııalyq jobalaryn qoldaýǵa erekshe kóńil bólinedi.

Ál-Farabı atyndaǵy Qazaq Ulttyq ýnıversıteti Jastar jyly aıasynda naqty maqsattar men jańa josparlar qoıdy. Bizdiń JOO-da segiz túrli stýdenttik uıymdar osy joba aıasynda jumys atqarýda. Bul ýnıversıtettiń akademııalyq saıasaty, oqý úderisi, daryndy jastardy qoldaý, olardyń mádenıet, ekologııa, rýhanı tárbıe salasyndaǵy ǵylymı jáne volonterlik qyzmeti. Sonymen qatar, bizde respýblıkalyq jáne halyqaralyq deńgeıdegi shaǵyn qurylymdar júzege asyrylýda. Stýdentterge búgingi tańda memleket, ýnıversıtet tarapynan úlken qoldaý kórsetiledi.

Memleket basshysy alǵa qoıǵan mindetterdi iske asyrý jónindegi is-sharalardy uıymdastyrýdy tapsyra otyryp, Qazaqstannyń osy baǵyttaǵy tájirıbesi jetkilikti ekenin senimmen atap ótti. "Ǵalym-pedagogtar oqýshylar synı oılaý, kommýnıkasııa, kollaborasııa men kreatıvtilikti damytýy tıis dep esepteıdi. Adamı kapıtaldy ınvestısııalaý memlekettiń eń tabysty salymy bolyp tabylady", - deıdi Elbasy bir sózinde. Sondyqtan, jastarǵa bilim beretin oqytýshylar da jastarǵa qoldaý kórsetý jolynda jalyndy eńbek etedi.

Fılosofııa jáne saıasattaný fakýlteti,
jalpy jáne qoldanbaly
psıhologııa kafedrasynyń
professory N.S. Jubanazarova