• USD 468.56

  • EUR 497.56

  • RUB 7.3

  • CNY 67.18

29 Naýryz, 14:55:19
Almaty
+35°

Shyǵys Qazaqstan oblysyndaǵy mektep túlekteriniń 84,4 paıyzy UBT tapsyrýǵa nıet bildirdi. Bul ótken jylǵy kórsetkishpen salystyrǵanda 8,8 paıyzǵa artyq. ShQO aqparattyq ortalyǵynda ótken brıfıng barysynda bilim basqarmasynyń basshysy Saırangúl Jumadilova osylaı dedi.

Brıfıngte aǵymdaǵy jyly UBT-nyń uıymdastyrylýy men ótkizilýi týraly keńinen aıtyldy.

- Ulttyq biryńǵaı testileý aǵymdaǵy jyldyń 20 maýsymy men 5 shildesi aralyǵynda ótedi. Barlyq sanıtarlyq-epıdemıologııalyq sharalar qatań saqtalady. Oblysta 16 UBT ótkizý pýnkti daıyndaldy. Onyń ishinde 4 aımaqtyq ýnıversıtet pen 12 orta mektep bar, - dedi Saırangúl Jumadilova.

Basqarma basshysynyń aıtýynsha, aǵymdaǵy jyly UBT-nyń testtik bazasy 30 paıyzǵa jańartylǵan. Suraqtardyń deni logıkalyq oılaý, negizgi quzirettilik pen túsiný deńgeıin anyqtaıtyn fýnksıonaldyq saýattylyqqa baǵyttalǵan.

- UBT-nyń ár núktesinde appelıasııalyq komıssııalar qurylady. Sonymen qatar respýblıkalyq appelıasııalyq komıssııa jumys isteıtin bolady. Budan bólek oblysta 2338 balany UBT pýnktine deıin tasymaldaý uıymdastyrylady, - dedi Saırangúl Jumadilova.

Brıfıng barysynda basqarma basshysy bıyl Bilim jáne ǵylym mınıstrligi pedagogıkalyq mamandyqtardyń bedelin arttyrý maqsatynda pedagogıkalyq mamandyqtar boıynsha shekti balldy 70 deıin kótergeninin atap ótti. Al basqa mamandyqtar boıynsha shekti deńgeı 60 balldy quraıdy.

Brıfıngte Ulttyq testileý ortalyǵynyń ShQO boıynsha fılıalynyń jetekshisi Dınara Meırǵazına bıyl UBT tapsyrýshylarǵa kalkýlıator paıdalanýǵa ruqsat berilgenin atap ótti.

- Beınejazbany qaraý kezinde talapkerlerdiń tyıym salynǵan zattardy paıdalanǵany anyqtalsa, onda UBT nátıjesi, sonymen qatar bilim berý granty joıylady. Buǵan qosa, taǵy da jańashyldyqtar bar. Buryn testileý ýaqyty 3 saǵat 50 mınýt bolsa, qazir 4 saǵatqa deıin uzartyldy, - dedi Dınara Meırǵazına.

Brıfıng barysynda taýarlar men kórsetiletin qyzmetterdiń sapasy men qaýipsizdigin baqylaý departamentiniń balalar men jasóspirimder arasyndaǵy ınfeksııalyq emes aýrýlardy baqylaý jáne qadaǵalaý bóliminiń basshysy Baqyt Dyrymbaeva UBT tapsyrýshylardyń dene qyzýy kóterilse, sondaı-aq olardan jedel respıratorlyq vırýstyq aýrý belgileri anyqtalsa, testileýge kirmeıtinin atap ótti.

- UBT tapsyrýshylardyń arasynda 2 metr qashyqtyq saqtalýy tıis, - dedi Baqyt Dyrymbaeva. 

ShQO aqparat ortalyǵy

"Qamshy" silteıdi
Ilmek sózder: ShQO UBT

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir