• USD 411.66
  • EUR 465.92
  • RUB 5.81
  • CNY 58.79

05 Maýsym, 2020 NEWS

UQQ Atyraýda qylmystyq topty ustady

UQK

UQQ Atyraýda arnaıy operasııa júrgizip, qylmystyq topty ustady. Bul týraly Qamshy tilshisi UQK baspasóz qyzmetine silteme jasap habarlaıdy.

"2020 jylǵy 3 maýsymda Ulttyq qaýipsizdik komıtetiniń Atyraý oblysy boıynsha departamenti júrgizgen arnaıy operasııa nátıjesinde sporttyq orta men yqtımal destrýktıvti dinı aǵymdardyń ókilderinen turatyn adamdar tobynyń quqyqqa qaıshy áreketiniń joly kesildi.

Qylmystyq topqa qatysýshylardyń óńir kásipkerlerinen aqshalaı qarajatty qorqytyp alýǵa, qaryzdardy óndirýge jáne dene jaraqattaryn keltirýge qatysy bar" delingen habarlamada.

UQQ málimetinshe, toptyń 5 belsendi múshesi ustaldy, olardyń keıbireýi urylar ıdeologııasyn ustanyp, transulttyq qoǵamdastyqtardyń kómekshilerimen baılanys ustaǵan eken.

Fıgýranttardy turǵylyqty jeri boıynsha tintý barysynda úsh birlik ártúrli qarý túri men olarǵa oq-dári tabylyp, alynǵan.

"Ustalǵan úsh adam ýaqytsha ustaý ızolıatoryna qamalyp, bultartpaý sharasyn tańdaý jóninde másele sheshilýde. Ekeýinen qorǵaýǵa quqyǵy bar kýáger retinde jaýap alyndy. Jedel-tergeý is-sharalary jalǵasyp jatyr" deıdi UQK ókilderi.

Ilmek sózder: Qazaqstan

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir