Qazposhtany satý usynyldy

"Samuryq-Qazyna" ulttyq ál-aýqat qorynyń tóraǵasy Ahmetjan Esimov "Qazposhta" ulttyq kompanııasyn ınvestorǵa berýdi usyndy.

Esimov sózinshe, kompanııanyń qarjylyq jaǵdaıy ınvestısııalyq qorlardy qosa alǵanda 28 mıllıard teńgeni quraıdy.

Jeliniń shalǵaı aýdandaryndaǵy shyǵyny 8 mlrd teńgege teń. Jyl saıyn respýblıkalyq bıýdjetten 4,2 mlrd teńge kóleminde sýbsıdııa alady. Sondyqtan konsýltanttar tikeleı alaýly satýdy usynyp otyr.

– Investorlar tarapynan qyzyǵýshylyq bar. Jumys ońaı bolmaıdy. Dese de usynys maquldanyp jatsa, ony sátti júzege asyra alamyz, – dedi Esimov Elbasy tóraǵalyǵymen ótken qordy basqarý jónindegi keńeste.

Nursultan Nazarbaev qor tóraǵasynyń pikirimen kelisti.

– Qazposhta jumysynyń ereksheligin eskerip, kompanııany strategııalyq ınvestorǵa tikeleı ataýly satý arqyly berýdiń tıimdi bolatyny anyq. Bul rette máseleni úkimetpen birlese zerdelep, tyńǵylyqty qaraý qajet, –  dedi N.Nazarbaev.