• USD 412.55
  • EUR 465.73
  • RUB 5.79
  • CNY 58.91

04 Maýsym, 2020 NEWS

Almatyda medısına qyzmetkerlerine 5,5 mlrd teńge bólindi

Kórneki sýret

Almaty qalasynda koronavırýs epıdemııasyna qarsy kúres sharalaryna 9 mıllıard teńgege jýyq qarjy bólingen. Onyń 5,5 mıllıard teńgeden astamy koronavırýsqa qarsy kúresip jatqan densaýlyq saqtaý nysandary qyzmetkerleriniń jalaqysyna qosymsha ústemaqy retinde qarastyrylǵan. Bul týraly «Áleýmettik medısınalyq saqtandyrý qory» KEAQ Almaty qalalyq fılıaly habarlady.

Habarlamaǵa súıensek, vırýsqa qarsy kúreske jumyldyrylǵan medısına nysandarynyń tizimin Almaty ákimdigindegi arnaıy komıssııa bekitken. Bekitilgen tizimge sáıkes, sáýir aıy úshin medısına mamandaryna tólenetin ústemaqy 1,5 mıllıard teńgeni qurady. Jalpy alǵanda:

Qaýip deńgeıi asa joǵary 1-topqa – 472,1 mln.teńge (880 adam);

Qaýip deńgeıi joǵary 2-topqa – 755,3 mln.teńge (2293 adam);

Qaýip deńgeıi ortasha 3-topqa – 289,8 mln.teńge (2308 adam).

Onyń ishinde:

  1. Stasıonarlyq uıymdar (sonyń ishinde shuǵyl stasıonarlardyń qabyldaý bólimderi) – 757,7 mln.teńge (2279 adam);
  2. Jedel járdem qyzmeti – 626,7 mln.teńge (2113 adam);
  3. Bastapqy medısınalyq-sanıtarlyq kómek uıymdary nemese emhanalar (blok-beketter, fıltrler, mobıldi brıgadalar, 4-sanatty shaqyrtýlarǵa barǵa mamandar) – 132,8 mln.teńge (1089 adam).

Maýsymnyń birindegi málimet boıynsha, almatylyq 5398 medısına qyzmetkeriniń jalaqysyna qosymsha aqy retinde 1,5 mıllıard teńge tólengen, – dedi MSQ Almaty fılıaly basshysy Tileýhan Ábildaev.

Onyń aıtýynsha, qazirgi tańda qalada epıdemııaǵa qarsy is-sharalarǵa 86 densaýlyq saqtaý nysany jumyldyrylǵan.

Esterińizge sala ketsek, qosymsha tólemder densaýlyq saqtaý salasy qyzmetkeriniń ómirine tóndiretin qaýip deńgeıine qaraı tólenedi. 

  • Birinshisi – qaýip deńgeıi asa joǵary top. Oǵan ınfeksııalyq stasıonarlar men jansaqtaý bólimderiniń dárigerleri, aǵa jáne orta býyn medısına qyzmetkerleri jatady.
  • Ekinshisi – qaýip deńgeıi joǵary top. Oǵan provızorlyq stasıonarlarda jumys isteıtin mamandar, jedel medısınalyq járdem, sanıtarlyq avıasııa qyzmetiniń dárigerleri men feldsherleri kiredi.
  • Úshinshisi – qaýip deńgeıi ortasha top. Oǵan karantındik stasıonarlardyń dárigerleri, orta jáne kishi medısına qyzmetkerleri, sanıtarlyq dárigerler (memlekettik qyzmetkerler), jedel járdem kóliginiń júrgizýshileri t.b. jatady.

 

 

 

 

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir