Getty
"Qytaı men Úndistan shekarasyna eki eldiń áskerı kúshteri jınaldy, búkil álem boıynsha dabyl qaǵylýda. Úshinshi dúnıejúzilik soǵys qaýpi tónip tur" dep jazdy brıtanııalyq Daily Express basylymy. Bul týraly Qamshy tilshisi habarlaıdy.
Áskerlerdi ornalastyrý aýqymy týraly resmı rastama bolǵan joq, biraq "Qytaı Halyqtyq azattyq armııasy Tıbet ústirtiniń bıik aýdandarynda jumys isteýge birneshe jetildirilgen qarý-jaraq júıeleri men joıǵysh ushaqtar jiberdi" degen boljam bar.
"Úndi armııasy shekara mańyndaǵy Ladah qalasynda ornalasqan jaıaý ásker dıvızııasynan birneshe batalondardy shekara boıyndaǵy jedel daıyndyq aımaǵyna kóshirdi" delingen habarlamada.
Basqa aýdandardan da áskerı kúshter jumyldyrylǵan.
Daýly terrıtorııalarǵa talas eki jaqtyń da shekaralyq aýmaqta áskerlerin kúsheıtýge sebep bolýda. О́rship bara jatqan qaıshylyq iri áskerı qaqtyǵysqa ákelýi múmkin. Keıbir jahandyq qorǵanys sarapshylary aımaqtyń beıbitshiligine kepildik joq ekenin eskertedi.
Gonkongtyq áskerı sarapshy Lıan Gýolıangtyń aıtýynsha, Beıjiń taraby jaıaý ásker, artıllerııa, áýe qorǵanysy, avıasııa kúshterimen qosa, hımııalyq, ıadrolyq jáne elektrondy soǵys salasyndaǵy mamandardan turatyn keminde toǵyz qurama topty ornalastyrǵan.
Bir aı buryn Úndistan men Qytaı shekarasyndaǵy Galvan ózeniniń alqabynda eki jaqtyń sarbazdary arasynda tóbeles, tas atys bolyp, qaqtyǵys oryn alǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir