Shymkenttegi 17 jastaǵy jigittiń ólimine qatysty jańa derek shyqty

Shymkentte tóbelesten keıin qaıtys bolǵan 17 jastaǵy bozbalanyń ólimine qatysy bolýy múmkin adam izdestirilip jatyr. Bul týraly Astana telearnasy habarlady. 

Polısııa kúdiktiniń kámelet jasyna tolmaǵanyn habarlady. Buǵan deıin suhbat bermeı kelgen quqyq qorǵaý organynyń ókilderi búgin arnaıy brıfıng ótkizdi. Shymkenttiń bas polıseıi Eraly Jumahanbetov bul qylmysty óz baqylaýyna alǵanyn jetkizdi.

Aıta keteıik, jábirlenýshi tarap ózderine 20 adam jabylǵanyn aıtqan. Biraq búgin quzyrly oryn ókilderi buzyqylardyń sany toǵyz dep otyr. Polıseıler tóbeleske qatysqan bes kúdiktiniń qamaýda otyrǵanyn, ózgesi eshqaıda shyqpaý týraly qolhatpen bosatylǵanyn málimdedi. 

– Eńbekshiqazaq polısııa basqarmasy 3 maýsymda balalar aýrýhanasynyń dárigerlerine qatysty QR Qylmystyq kodeksiniń 317-baby boıynsha qylmystyq is qozǵady, – dedi Shymkent qalalyq polısııa departamentiniń basshysy Eraly Jumahanbetov.

Sonymen qatar, dárigerlerge qatysty da qylmystyq is qozǵalǵan. Departament bastyǵy buǵan marqumnyń týystarynyń áleýmettik jelilerde dárigerler isine kóńili tolmaıtynyn aıtqan jazbalary negiz bolǵanyn dáıek qyldy. Eske salaıyq, Shymkenttiń irgesindegi Maıatas aýylynyń kámelet jasyna tolmaǵan balalary arasyndaǵy kıkiljińnen bir otbasy qara jamyldy. 17 jastaǵy bozbala basynan alǵan aýyr soqqydan on kúndeı es-tússiz jatyp, aýrýhana kóz jumdy.