• USD 411.66
  • EUR 465.92
  • RUB 5.81
  • CNY 58.79

04 Maýsym, 2020 NEWS

Depýtat jer aty qazaqty qyrǵan qyzyl áskerdiń atymen atalyp kelgenin aıtty

YouTube.com

Májilis otyrysynda "Aqjol" fraksııasynyń depýtaty Berik Dúısembınov premer-mınıstrdiń orynbasary Eraly Toǵjanovqa joldaǵan depýtattyq saýalynda qazaq-qytaı shekarasyndaǵy jer aty qazaqty qyrǵan qyzyl áskerdiń atymen atalyp kelgenin aıtty. Depýatttyq saýaldyń mátinin Qazybek Isa óziniń Facebook paraqshasynda bólisti.

"Aqjol" fraksııasy depýtattary atynan joldanǵan saýalda Berik Dúısembınov prezıdent Qasym-Jomart Toqaevtyń tarıhı ádildikti qalpyna keltirý úshin arnaýly komıssııa qurý týraly tapsyrmasyn qoldaıtynyn málimdedi.

Jaqynda saıası qýǵyn-súrgin jáne asharshylyq qurbandaryn eske alý kúni atap ótilgenin tilge tıek etken depýtattyń aıtýynsha, tarıhshylardyń derekterine sáıkes qazaq dalasynda keminde 300 kóterilis bolǵan.

– Atalarymyzdan bizge jetken estelikter boıynsha, bas kótergen qazaq rýlaryn bolshevık áskerleri artıllerııamen atqylap, qashyp bara jatqan aýyldardy aeroplanmen bombalap, shekarada ustalǵan qorǵansyz bosqyndardy pýlemıotpen bala-shaǵasymen qosa, qoısha kyrǵan. Mysaly, shyǵystaǵy qazaq-qytaı shekarasyndaǵy ataqty «Aq-naıman qyrǵyny» degen qandy oqıǵa el esinde saqtalsa da, resmı túrde áli moıyndalmaǵan; al osy zastavanyń aty bertinge deıin sol qyrǵyndy tikeleı basqarǵan qyzyl áskerdiń atymen atalyp keldi. 2012 jyly «Qarasý» shekara pýnktiniń qurylysy kezinde, Shý ózenniń jaǵasynan jergilikti qarııalardyń aıtýynsha 30-shi jyldary atylǵan áıelder men balalardyń toptalyp jatqan súıekteri tabyldy. Osyndaı tarıhı aqtańdaqtar Ertis pen Shýda ǵana emes, Jetisý men Syr boıynda, Kaspıı óńirinde de oryn alǵan, – dedi Berik Dúısembınov. 

 

Ilmek sózder: Depýtat jer aty

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir