• USD 468.56

  • EUR 497.56

  • RUB 7.3

  • CNY 67.18

28 Naýryz, 22:39:26
Almaty
+35°

Batys Qazaqstan, Mańǵystaý jáne Qyzylorda oblystarynda karantın erejeleri kúsheıtilýi múmkin, dep habarlaıdy Qamshy.kz aqparat agenttigi premer-mınıstrdiń saıtyna silteme jasap.

Premer-mınıstrdiń orynbasary Eraly Toǵjanovtyń tóraǵalyǵymen ótken Koronavırýs ınfeksııasynyń taralýyna jol bermeý jónindegi vedomstvoaralyq komıssııanyń kezekti otyrysynda elimizdegi qazirgi epıdemıologııalyq jaǵdaı, halyqty jeke qorǵaný quraldarymen qamtamasyz etý, sheteldegi QR azamattaryn elge qaıtarýdy uıymdastyrý jáne basqa da ózekti máseleler qaraldy.

Densaýlyq saqtaý mınıstri Eljan Birtanov óz baıandamasynda keıbir óńirlerde qarantın sharalaryn jeńildetý koronavırýspen aýyrǵandar sanynyń kóbeıýine sebep bolǵanyn atap ótti.

Premer-mınıstrdiń orynbasary Batys Qazaqstan, Qyzylorda, Mańǵystaý oblystaryákimdikterine óńir boıynsha sanıtarlyq-epıdemıologııalyq talaptardyń oryndalýyna baqylaýdy kúsheıtýdi, onyń ishinde shekteý sharalaryn kúsheıtý múmkindigin qarastyrýdy tapsyrdy.

– О́ńir ákimdikteri sanıtarlyq-epıdemıologııalyq talaptardyń oryndalýyn qatań baqylaýda ustaýy tıis. Talaptardy oryndamaǵan bıznes sýbektileriniń qyzmetin anyqtalǵan kemshilikterdi ornyna keltirgenshe ýaqytsha toqtatý qajet. Bul sharalar azamattarymyzdyń qaýipsizdigin qamtamasyz etý úshin asa mańyzdy, – dedi Eraly Toǵjanov.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir