Nazarbaev Qaýipsizdik keńesinde taǵaıyndaý jasady

Qazaqstannyń tuńǵysh prezıdenti Nursultan Nazarbaevtyń sheshimimen Qaýipsizdik keńesi hatshylyǵynyń meńgerýshisi aýysty. Bul týraly elbasy.kz habarlady.

Qazaqstan Respýblıkasynyń Tuńǵysh Prezıdenti – Elbasy, Qazaqstan Respýblıkasy Qaýipsizdik Keńesi Tóraǵasynyń sheshimimen basqa jumysqa aýysýyna baılanysty Shoqan Janatuly Elshibekov Qazaqstan Respýblıkasynyń Qaýipsizdik Keńesi hatshylyǵynyń meńgerýshisi qyzmetinen bosatyldy.

Onyń ornyna buǵan deıin Qaýipsizdik keńestiń quqyq qorǵaý júıesi bólimi meńgerýshisiniń orynbasary bolǵan Erlan Baıtuqbaev keldi.

Erlan Baıtuqbaev 1969 jyly týǵan. Ál-Farabı atyndaǵy qazaq memlekettik ulttyq ýnıversıtetin  támámdaǵan (mamandyǵy "quqyqtaný").

Eńbek joly Almatyda Frýnze aýdany prokýrorynyń kómekshi-stajeri retinde bastady. Túrli jyldary prokýror, aǵa prokýror, Qostanaı oblysy prokýrorynyń orynbasary, Ortalyq kólik prokýratýrasy apparatynyń jetekshisi qyzmetterin atqardy.

Sondaı-aq, ındýstrııa jáne jańa tehnologııalar mınıstrliginiń ónerkásip komıteti tóraǵasynyń orynbasary, ınvestısııalar jáne damý mınıstrligi komıteti basshysynyń orynbasary bolǵan.

Taǵaıyndaýǵa deıin Qaýipsizdik Keńesiniń quqyq qorǵaý júıesi bólimi meńgerýshisiniń orynbasary qyzmetin atqarǵan.