instagram.com
Almaty oblystyq ishki saıasat basqarmasynyń qoldaýymen «Halyk» qaıyrymdylyq qorynan bólingen gýmanıtarlyq kómek Aqsý aýdany ákimdigi usynǵan muqtaj jandardyń tizimi boıynsha úı-úıge taratyldy.
Aýdan boıynsha kópbalaly, az qamtylǵan otbasylarǵa, tómengi zeınetaqy alatyndar men múgedek sanatyna jatqyzylǵan 54 otbasyǵa 3 qoraptan, jalpy 162 qorap azyq-túlik pen 270 lıtr kúnbaǵys maıy tabystaldy.
Jınaq quramynda un, makaron, ósimdik maıy, kúrish, qaraqumyq, qant, shaı men táttiler bar.
«Halyk» qaıyrymdylyq qorynan kelgen azyq-túlik jınaǵyn, aýdan eriktileri meken-jaı boıynsha árbir otbasyǵa jetkizip berdi.
Tótenshe jaǵdaı jarııalanǵaly Aqsý aýdany boıynsha 510 otbasyǵa 10 mıllıonnan astam qarjyǵa áleýmettik azyq-túlik taratyldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir