• USD 412.55
  • EUR 468.66
  • RUB 5.79
  • CNY 58.8

04 Maýsym, 2020 NEWS

"Qanǵa boıalǵan kıimder". Atyraýda tergeý ızolıatorynda búlik boldy (vıdeo)

azh.kz

Búgin, 3 maýsymda Atyraýdaǵy tergeý ızolıatorynda qamaýda otyrǵandar tereze arqyly qanǵa boıalǵan kıimderin kórsetip, "qutqaryńdar, kómektesińder, jedel járdem shaqyryńdar!" dep aıqaılaǵan. Arnaıy mekeme mańyna qamaýdaǵylardyń ashýly týysqandary jınalyp, mán-jaıdy túsindirýdi talap etti, dep jazady Aq Jaıyq basylymy.

Izolıator ǵımaratyna kireberis qaqpaǵa 40 adam jınaldy. Laýra esimdi azamat tańǵy 5-ten bastap sol jerde júrgenin aıtty. Onyń sózinshe, qamaýdaǵylar ızolıator terezesi arqyly qan juqqan fýtbolkalaryn kórsetken. Jedel járdem shaqyrmaq bolǵandarynda, ızolıaor qyzmetkerleri ǵımaratta sanıtarlyq bólim baryn aıtqan. Laýra ishte ne bolǵanynan beıhabar.

Qamaýdaǵylardyń jaqyndarynyń biri Nadejda ishte inisi otyrǵanyn jetkizdi.

– 30 mamyrda habarlasqanynda ol "bizdi kúnde soqqyǵa jyǵady" dep aıtqan. Túnde anonımdi qońyraý arqyly inim men onyń kameralastaryn sabap jatqanyn habarlady. Erteńgisin oblystyq prokýratýraǵa júginip, aryz qaldyrdym. Bizge kómektesýin suraımyz. Mynda bizge eshkim, eshteńeni túsindirmeıdi, – deıdi ol.

Osy sátte tergeý ızolıatory ǵımaratynan shyqqan oblystyq prokýratýra basqarmasynyń basshysy Sáken Jandyrbaev jaǵdaıdy bylaı dep túsindirdi.

– Men ishke kirip, jaǵdaımen tanystym. Tergelip jatqan jáne sottalǵan birneshe azamat ishki tártipke baǵynbaǵan. Búginde tergeý júrip jatyr. Men ishtegi nıet bildirýshilerdiń barlyǵyn qabyldadym. Sondaı-aq dene jaraqaty boıynsha saraptama taǵaıyndalady, – dedi ol.

Ishte bolǵan azamat – Laýranyń sózinshe, oǵan mán-jaıdy eshkim túsindirmegen. Tek ızolıatordaǵylardyń ishki tártipti buzǵany ǵana aıtylǵan.

Qylmystyq-atqarý júıesi komıtetiniń taratqan túsindirmesine saı, 2 maýsym kúni keshki serýennen keıin 5 sottalýshy bekitilgen rejımdi buzyp, ózgelerdi tártipsizdikke shaqyrǵan.

Jaǵdaıdyń aldyn alý úshin joǵaryda atalǵan 5 azamat tártiptik ızolıatorǵa qamalǵan. Olar aýyr jáne asa aýyr qylmys úshin jazasyn ótep jatqan kisi óltirgender, adam densaýlyńyna qasaqana zalal keltirgender, úlken kólemde urlyq jasaǵandar.

Atalǵan derek boıynsha qylmystyq kodekstiń 428-baby boıynsha sotqa deıingi tergeý bastalyp, tekseris júrgizilýde.

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir