• USD 468.56

  • EUR 497.56

  • RUB 7.3

  • CNY 67.18

29 Naýryz, 05:01:29
Almaty
+35°

Almaty oblysynda jyl basynda eriktilerdiń sany 1043 bolsa, qazir olardyń sany 2033-ke jetken. Olar kómekke muqtaj jandarǵa járdem kórsetýmen aınalysyp, dezınfeksııalyq jumystarǵa atsalysýda, sol sııaqty qaýyrt jeli baılanys telefonynda jumys isteıdi. Bul týraly Almaty oblysy ákiminiń baspasóz qyzmeti habarlady.

О́ńir eriktileriniń atsalysýymen 50 myń medısınalyq maska tigilip, taratyldy. Áleýmettik jaǵdaıy tómen, az qamtylǵan jáne kóp balaly otbasylar men jalǵyzbasty analarǵa, jalpy 10 myń otbasyna áleýmettik kómek kórsetilip, azyq-túlikpen qamtamasyz etildi. Sol sııaqty volonterlar jalǵyzbasty qarııalardyń úılerine tazalyq jumystaryn júrgizedi. Osyndaı jumystardy belsene atqaryp júrgen «Jetisý eriktileri» uıymynyń múshesi, oblystyq «Meıirimdi Jetisý» front-keńsesiniń úılestirýshisi Jansaıa Smaǵulovaǵa oblys ákimi Amandyq Batalov Prezıdenttiń Alǵys hatyn tapsyrdy.

Quttyqtaý barysynda oblys basshysy Jansaıanyń tótenshe jaǵdaı kezinde ujymdyq eriktilikti uıymdastyrýdaǵy, muqtaj jandarǵa qol ushyn sozý jumystaryn úılestirýdegi, volonterlardyń atqarǵan isterin BAQ-ta nasıhattaýdaǵy úlesin atap ótip, Prezıdenttiń Alǵys hatyn jáne syı retinde óziniń qoltańbasy bar kitap tabystady.

- Meıirimdilik álemdi qutqarady degen sóz beker aıtylmaǵan. Qaıtarymyn suramaı, shyn nıetpen jasalǵan jaqsylyq qashanda adamnyń aldynan shyǵady. Sondyqtan jaqsylyq jasaý kez kelgen adamnyń ómirlik maqsaty bolýy tıis. Elimiz úshin osy bir qıyn-qystaý kezeńde volonterlardyń, sonyń ishinde ózińniń atqarǵan izgi isterińniń halyqqa kóp paıdasy tıdi, - deı kele Amandyq Batalov óziniń ómirlik tájirıbesinen mysaldar aıtty. Sol sııaqty Jansaıanyń bolashaqtaǵy josparlary týraly surady.

Atap ótsek, Jansaıa Smaǵulova I. Jansúgirov atyndaǵy Jetisý memlekettik ýnıversıtetiniń «Jýrnalıstıka» bólimin bitirgen. Búginde «Jetisý eriktileri» uıymynyń múshesi, oblystyq «Meıirimdi Jetisý» front-keńsesiniń úılestirýshisi. Alda jýrnalıstik joldy jalǵastyrý da oıynda bar.

О́z kezeginde J. Smaǵulova oblys ákimine ózin jyly qabyldaǵany úshin alǵysyn aıtty.

 - Bul marapat maǵan ǵana emes, barlyq jetisýlyq eriktilerge berilgen marapat dep dep bilemin. Biz birligimizben ǵana kúshtimiz.  Men jalǵyz ózim eshteńe tyndyra almas edim, sondyqtan bul - ortaq jeńis. Búgingi Alǵys hat budan bylaıǵy jumysymyzǵa úlken serpin beredi. Prezıdentimizge volonterlardy nazardan tys qaldyrmaǵanyna rızashylyǵymyzy bildiremiz. Bul jumystardy biz óz atymyzdy shyǵarý úshin emes, júrek qalaýymen jasap júrmiz. Biz úshin eń úlken marapat – halyqtyń alǵysy, - dedi ol.

Jalpy, búgingi kúni oblysta 2033 erikti jas tirkelgen. Olar azamattardy volonterlikke tartý, kómekke muqtaj jandarǵa áleýmettik kómek kórsetý maqsatynda jumys atqarýda. Sondaı-aq tótenshe jaǵdaılarǵa baılanysty 404-404 qaýyrt jeli baılanys telefony qyzmet isteıdi. Táýlik boıy óz jumysyn jalǵastyratyn jedel jeli tutqasynda halyqqa birinshi kezekte kómegi qajet mamandar, atap aıtar bolsaq, densaýlyq saqtaý salasynyń mamandary, jumyspen qamtý jáne áleýmettik baǵdarlamalar boıynsha arnaıy mamandar, bilim basqarmasynyń mamandary men eriktiler qyzmetin uıymdastyrýshy jastar  otyrady. Búgingi kúni qaýyrt jeli arqyly baılanysqan oblys turǵyndarynyń sany - 4736 adam.

Sol sııaqty dezınfeksııalyq jumystarǵa atsalysý, azyq-túlik tasymaldaý, medısınalyq jeke qorǵanys quraldarymen qamtamasyz etýmen aınalysyp keledi. 

"Qamshy" silteıdi
Ilmek sózder: Almaty oblysy eriktiler

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir