Almaty oblysynan Túrkistan oblysy Maqtaaral aýdanynyń turǵyndary úshin júk kólikterimen gýanıtarlyq kómek jetkizildi.

15 júk kóligi kerýenimen 260 tonna azyq-túlik pen qurylys materıaldary aparyldy. Sonyń ishinde 18 tonna un, 7 tonna kúrish, 3630 lıtr kúnbaǵys maıy, 6 tonna makaron ónimderi, 500 kg arpa jarmasy, 4,5 tonna qant, 548 qorap shaı, sol sııaqty 6 myń sharty metrlik qurylystyq aǵash materıaldary, 100 tonna sement, 20 myń kirpish, 90 qap qurylys qospasy, 15 tonna gıpsokarton, 10 tonna qurǵaq qospa bar.

«Almaty oblysy ákiminiń bastamasymen gýmanıtarlyq kómek uıymdastyrylyp, oǵan óńir kásipkerleri men kásiporyndary atsalysty. Sonyń nátıjesinde 260 tonna birinshi kezektegi qajetti zattar men maqtaaraldyqtar úshin asa mańyzdy qurylys materıaldary jınaldy. Sonymen qatar Jetisý kerýenmen birge oblystyń eriktileri de keldi. Olar eldi mekenderdi qalpyna keltirý jumystaryna kómektesedi», - dedi «Nur Otan» partııasy Almaty oblystyq fılıaly tóraǵasynyń birinshi orynbasary Janbolat Jórgenbaev.

Sol sııaqty oblystyq ákimdik ókilderiniń aıtýynsha, qurylys materıaldaryn óndiretin iri kásiporyndardyń biri «Knauf» kompanııasy Maqtaaral aýdanyndaǵy áleýmettik nysandardyń birin qalpyna keltirý úshin ózi óndirgen jylýustaǵysh pen qurylys qospalaryn kómek retinde beredi.

О́z kezeginde Túrkistan oblysy ákiminiń orynbasary Sáken Qalqamanov osyndaı qıyn shaqta qol ushyn sozyp, kómek jasaǵan jetisýlyqtarǵa rızashylyǵyn bildirdi.

Ilmek sózder: gýanıtarlyq kómek

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir