• USD 412.55
  • EUR 465.73
  • RUB 5.79
  • CNY 58.91

03 Maýsym, 2020 NEWS

Mınıstrlik "Altyn belgini" satý máselesin múldem quptamaıdy

ernur.kz

Almaty qalasy mektepteriniń birinde 11 jyl oqyp, kýáligin alǵan jas túlek óziniń "Altyn belgisin" 200 myń teńgege baǵalap, OLX-qa satýǵa shyǵarǵan bolatyn.

Qamshy tilshisi "Altyn belgisin" satylymǵa shyǵarǵan jas túlekpen WhatsApp messendjeri arqyly satyp alýshy retinde hat almasyp kórdi. 

– "Altyn belgi" qolymda tur. Búgin ǵana aldym. Aqsha kerek bolyp tur, onyń ústine bul tós belginiń qajeti shamaly. Bilim adamnyń ózinde bolsa jetkilikti emes pe?! Nebári 30 mınýttyń ishinde eki adam habarlasyp, qyzyǵýshylyq tanytty, baǵasyn 170 000 teńgege túsirip bere alamyn, – dedi «Altyn belgi» ıegeri.

Keıinnen Qamshy.kz aqparat agenttigi Bilim jáne ǵylym mınıstrligine resmı saýal joldap, "Altyn belgini" satý qanshalyqty zańdy ekenin bildi.

– Biz bul máseleni anyqtaımyz. Mınıstrlik "Altyn belgini" satý máselesin múldem quptamaıdy. Múmkin bul feık aqparat shyǵar. Mundaı jaǵdaı buǵan deıin bolmaǵan. "Altyn belgini" tek úzdikterdiń úzdigi alady. Bul belgi grantqa túsý múmkindigine de yqpal etetinin oqýshylar jaqsy biledi, – de málimdedi Bilim jáne ǵylym mınıstrliginiń baspasóz qyzmeti.

Ilmek sózder: Almaty Altyn belgi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir