Almatyda jas túlek "Altyn belgisin" satylymǵa shyǵardy

Almaty qalasy mektepteriniń birinde 11 jyl oqyp, búgin ǵana bitirgeni týraly kýálik alǵan oqýshy óziniń "Altyn belgisin"  200 myń teńgege satpaqshy. Jas túlik OLX satý-alý qosymshasyna "Altyn belgisin" satatyn týraly habarlandyrý jarııalaǵan. 

"Altyn belgini" búgin ǵana aldym (2020 jyl), shynaıy belgi, dáleldeı alamyn (qujattary bar), salmaǵy – 23 gramm, eger qyzyqtaryp jatsa, jazyńyzdar" delingen habarlandyrýda.

Qamshy tilshisi "Altyn belgisin" satylymǵa shyǵarǵan jas túlekpen WhatsApp messendjeri arqyly satyp alýshy retinde hat almasyp kórdi. 

– "Altyn belgi" qolymda tur. Búgin ǵana aldym. Aqsha kerek bolyp tur, onyń ústine bul tós belginiń qajeti shamaly. Bilim adamnyń ózinde bolsa jetkilikti emes pe. Nebári 30 mınýttyń ishinde eki adam habarlasyp, qyzyǵýshylyq tanytty, baǵasyn 170 000 teńgege túsirip bere alamyn, – deıdi «Altyn belgi» ıegeri.

11 jyl boıy úzdik oqyp, oqýshylardyń aldyńǵy qatarynda bolyp, bitirgen sátte alǵan marapatty, ıaǵnı "Altyn belgini" satý qanshalyqty zańdy? Osy másele boıynsha Qamshy.kz aqparat agenttigi Bilim jáne ǵylym mınıstrligine resmı saýal joldady.

♦Oqı otyryńyzdar: Mınıstrlik "Altyn belgini" satý máselesin múldem quptamaıdy