Qazaqstannyń birneshe óńirinde 47 gradýsqa deıin ystyq bolady

3-4 maýsymda Qazaqstannyń jeti óńirinde aýa temperatýrasy joǵarylaıdy. Bul týraly Tótenshe jaǵdaılar komıtetiniń baspasóz qyzmeti habarlady. 

TJK málimetinshe, aldaǵy kúnderi Atyraý oblysynda kún ysyp, jeldiń jyldamdyǵy sekýndyna 15-20 metrge deıin jetedi. Aýa temperatýrasy 40 gradýsqa deıin kóteriledi.

Al Qyzylorda oblysynda aýa temperatýrasy 47 gradýsqa deıin joǵarylaıdy dep boljanyp otyr. Keı aýmaqta jeldiń jyldamdyǵy sekýndyna 15-20 metrge deıin jetedi.

3-5 maýsymda Jambyl, Mańǵystaý, Túrkistan, Aqtóbe, Almaty oblystarynda da kún ystyq bolatyny aıtylady: 35-38 gradýs, keı aýmaqta 40-42 gradýs ystyq bolady degen boljam bar.