03 Maýsym, 2020 NEWS

Tramp: Nıý-Iork baqylaýdan shyqty

Daily Mail

О́tken túnde AQSh prezıdenti Donald Tramp narazylyq sherýi saldarynan Nıý-Iork qalasynyń baqylaýdan shyqqanyn málimdedi. Bul týraly Qamshy tilshisi Daily Mail basylymyna silteme jasap habarlaıdy. 

Myńdaǵan adam Nıý-Iork qalasynyń meri Bıll de Blazıon jarııalaǵan komendanttyq saǵatty elemeı sherýge shyqqan. Polısııa 200-den astam adamdy qamaýǵa alǵan. Qamaýǵa alynǵan adamdardyń sany tipti de ósedi dep kútilýde.

Tolqýlar jalǵasqan besinshi kúni túnde Tramp sheneýnikterdi qalany baqylaýdy qalpyna keltirý úshin federaldy úkimettiń kómegine júginýge shaqyrǵan.

"Nıý-Iork qalasy tolyǵymen baqylaýdan shyqty. [De Blazıo men Kýomo] tártipsizdikti toqtatý kerek!" dep jazdy Tramp twitter paraqshasyna.

Keıinirek Nıý-Iork meri de Blazıo CNN-ge zorlyq-zombylyq pen adam ólimi qaýpi týýy múmkin ekenin aıtyp, Ulttyq gvardııa jasaqtaryn ornalastyrmaý týraly sheshimdi jón dep sanaǵan.

Ol sonymen qatar seısenbi kúni keshke "sońǵy bes kúnde eń kóp polısııa kóshege shyqqanyn" rastaǵan, biraq qansha ofıser bolǵanyn aıtýdan bas tartqan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir