03 Maýsym, 2020 Saıasat

Toqaev Qazaqstan Reseı men Belarýs odaǵyna múshe bolmaıtynyn aıtty

inform.kz

Qazaqstan Reseı men Belarýs elderiniń odaǵyna kirmeıdi. Bul týraly Q.Toqaev Komsomolskaıa pravda basylymyna bergen suhbatynda aıtty.

Jýrnalıst "Qazaqstan Reseı men Belarýs odaǵyna kirýi múmkin be, mundaı odaqqa ortaq valıýta, ortaq keden, ortaq parlament qajet pe, álde bizdiń jolymyz EAEO-ny "Shyǵys Eýroodaǵyna" aınaldyrý ma? Bul qanshalyqty múmkin?" degen mazmundaǵy saýalyna Toqaevtyń jaýaby tómendegideı boldy.

– Qazaqstan Reseı jáne Belarýs elderimen ekijaqty formatta da, ıntegrasııalyq birlestikter (EAEO, UQShU, TMD) aıasynda da belsendi áriptestik júrgizip otyr. Bizdiń Reseı men Belarýs odaǵyna kirý týraly josparymyz joq. Biz úshin basym baǵyt – joǵaryda atalǵan uıymdar aıasynda ıntegrasııany damytý.

Eýrazııalyq Ekonomıkalyq Odaqtyń áleýetin tek ekonomıkalyq odaq retinde kúsheıtýge múddelimiz. Kooperasııalyq baılanystardy damytý, taýarlardyń, kórsetiletin qyzmetterdiń jáne jumys kúshiniń ortaq naryǵyn qurý, atalǵan odaqqa múshe memleketterdiń ınvestısııalyq tartymdylyǵyn arttyrý arqyly EAEO-ny jahandyq aýqymdaǵy tıimdi qurylymǵa aınaldyra alar edik.

Bul baǵyttaǵy jumystar júıeli túrde ilgerileýde. 2025 jylǵa qaraı ortaq energetıkalyq jáne qarjylyq naryq qalyptasady. Ásirese, sıfrlyq yqpaldastyq perspektıvaly baǵyt bolmaq. Keıde EAEO-da, tipti eń joǵary deńgeıde, qyzý pikirtalastar bolady, biraq bul talqylaýlar odaqty neǵurlym tabysty, bedeldi, tartymdy etýge degen ortaq talpynysty bildiredi. Al oǵan nemquraıdy qaraý – anyq degradasııanyń belgisi, – dedi Qazaqstan prezıdenti.

Ilmek sózder: Toqaev suhbaty

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir