Ulybrıtanııa Gonkong azamattaryn qabyldaıtynyn jarııalady

Ulybrıtanııa premer-mınıstri Borıs Djonson eldiń ımmıgrasııalyq erejelerin ózgertip, Gonkongtaǵy mıllıondaǵan adamǵa  Birikken Koroldiktiń «azamattyǵyna jol» usynatynyn málimdedi. Bul týraly Qamshy tilshisi BBC-ge silteme jasap habarlaıdy. 

The Times gazetiniń jazýynsha, Borıs Djonson Ulybrıtanııa aımaqpen baılanysyn saqtap qalý kerek ekenin, basqa amal jasaı almaıtynyn aıtqan.

Qytaı bıligi Gonkongqa josparlaǵan zańyna qatysty synǵa qatty ushyraýda.

Beıjiń qabyldaǵan jańa zańdarǵa baılanysty Gonkongtyń kóptegen turǵyndary bostandyǵynan aıyrylýy múmkin ekenin aıtqan.

Eger Qytaı jańa zań qabyldasa, Ulybrıtanııa ol týraly ne isteý kerektigi jaıynda odaqtastary AQSh, Avstralııa sııaqty eldermen kelissóz júrgizip jatyr.

Ulybrıtanııa premer-mınıstri sársenbi kúni The Times gazetine bergen suhbatynda Qytaı zań qabyldaǵan jaǵdaıda brıtanııanyń ulttyq tólqujaty bar Gonkongtaǵy adamdar Ulybrıtanııaǵa 12 aıǵa vızasyz kire alatynyn rastaǵan. Qazir olarǵa alty aıǵa ruqsat etilgen.

Búginde Gonkongta shamamen 350 myń adamda atalǵan tólqujat bar, biraq ózge 2,6 mıllıon gonkongtyq ta osy tóljujatty ala alady.