03 Maýsym, 2020 NEWS
Dımash Qudaıbergen: Barlyǵymyz Qudaıdyń aldyna baramyz
Dımash Qudaıbergen afroamerıkalyq azamattyń ólimine qatysty pikir bildirdi
Dımash Qudaıbergen
Jaqynda ǵana polıseıdiń qolynan qaza tapqan afroamerıkalyq Djordj Floıd esimdi azamattyń ólimine qatysty ánshi Dımash Qudaıbergen óz pikirin bildirdi. Bul týraly ol óz Instagram jelisinde jazba qaldyrdy, dep jazady Qamshy.kz aqparat agenttigi
"Jaman ult bolmaıdy, tek jaman adamdar bolady. Olar kez kelgen jerde boldy. Meniń afroamerıkalyq dostarym bar, olarmen jaqsy qarym-qatynastamyz, olar óte talantty. Álemde rasızmsiz elestetip kórińizshi! Barlyq adam teń. Erte me, kesh pe barlyǵymyz Qudaıdyń aldyna baramyz. Búkil álemde beıbitshilik bolsyn, munda biz tek qonaqpyz. Rasızmge jol joq" delingen ánshi jazbasynda.
Esterińizge sala ketsek, afroamerıkalyq Djordj Floıdtyń óliminen keıin AQSh-ta ereýilder bastalǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir