02 Maýsym, 2020 NEWS
Toqaevqa májilisti taratý týraly usynys jasaldy
"Qazirgi quram halyq seniminen tolyqtaı aıyryldy, halyq múddesin qorǵamaq turmaq, onymen dıalog jasaı almaıtynyn kórsetti"
Kórneki sýret
Belgili dáriger Qaıyrǵalı Koneev prezıdent Q.Toqaevty májilisti taratýǵa shaqyrdy, dep jazady kaztag.kz.
– Sizdi petısııaǵa qol qoıǵan 170 myń adamnyń pikirin eskermesten, halyqqa qarsy densaýlyq týraly kodeks qabyldaǵan QR parlamenti májilisin taratýǵa bastamashyl bolýǵa shaqyramyn. Májilis halyqtyń úni men múddesine qulaq asqan joq. Tek keıbir rezonanstyq sózderdi almastyryp, kodeks mánin ózgerissiz qaldyrdy. Kodekske qarsy shyǵyp, petısııaǵa qol qoıǵan 170 myń adam ózderin kemsitkendeı sezinýde. Olar ózderiniń konstıtýsııalyq quqyǵy buzyldy dep sanaıdy, – deıdi dáriger,
Ol 11 shildede Almatyda antıhalyqtyq densaýlyq týraly kodekske qarsy beıbit mıtıng ótkizýge ótinish bildirip qoıǵanyn málim etti.
– Búginde Nur-Sultan, Shymkent, Qaraǵandy qalalarynyń belsendileri óz aımaqtarynda mıtıng uıymdastyrýǵa nıetti. Bizge qosylǵysy kelip, ózge aımaqtardan da jazyp jatyr. Kodekske qarsy petısııaǵa qol qoıǵan 170 myń adam qarsylyqtaryn bildiretin sııaqty, – dep atap ótti ol.
Dárigerdiń sózinshe, 170 myńnyń deni áıel adamdar.
– Joǵaryda aıtylǵandardy nazarǵa ala otyryp, sizden (Toqaev – red.) QR parlamenti májilisin taratý prosedýrasyn bastaýdy suraımyn. О́ıtkeni qazirgi quram halyq seniminen tolyqtaı aıyryldy, halyq múddesin qorǵamaq turmaq, onymen dıalog jasaı almaıtynyn kórsetti, – dep túıindedi Qaıyrǵalı Qonaev.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir