Almatyda 2 myńǵa jýyq kásipkerlik sýbektiniń karantın sharalaryn saqtaý talaptary tekserildi

Bul týraly Almaty qalasynyń О́ńirlik kommýnıkasııalar qyzmetiniń alańynda ótken brıfıng barysynda qalanyń memlekettik bas sanıtar dárigeri Jandarbek Bekshın aıtty.

Eske salsaq, birqatar kásiporyndar óz jumystaryn qaıtadan bastady. Almaty qalasynyń ákimi Baqytjan Saǵyntaevtyń bastamasymen árbir aýdandyq ákimdikterde kásipkerlik sýbektilerdiń sanıtarlyq-epıdemıologııalyq talaptardy saqtaýyn qadaǵalaý boıynsha monıtorıngtik toptar qurylǵan.

Bekitilgen monıtorıngtik toptardyń quramyna Almaty qalasynyń Taýarlar men kórsetiletin qyzmetterdiń sapasy men qaýipsizdigin baqylaý departamenti mamandary, Almaty qalasynyń Kásipkerlik jáne ınvestısııalar basqarmasynyń ókilderi, aýdandyq ákimdikterdiń, «Atameken» UKP jáne Polısııa departamentiniń qyzmetkerleri engen.

Monıtorıngtik toptar karantın kezinde jumysyn qaıtadan bastaǵan barlyǵy 1989 nysandy qamtydy.

– Biz 2 myńnan astam tekserý júrgizdik, onyń barysynda tek 65 jaǵdaı boıynsha ákimshilik jaza taǵaıyndaldy jáne 39 nysannyń qyzmeti toqtatyldy. Senbi jáne jeksenbi kúnderi biz 153 nysandy tekserdik. Tekserý sharalary jalǵasady, – dedi Almatynyń bas sanıtar dárigeri.

О́z mindetterine salǵyrt qaraǵan myna tizimdegi dámhanalar men meıramhanalar basshylyǵyna ákimshilik aıyppul salyndy, olar: «Jan plov lagman» meıramhanasy, «Shashlychnaıa na Kırova», «Shashlychnyı dvor», «Borjomı», «Almaty» dámhanalary, sonymen birge, «Baıtas» shaǵyn marketi, al «Dılnaz», «Shapaǵat» dámhanalaryna ákimshilik hattama toltyryldy. «Provans» dámhanasynyń qyzmeti toqtatyldy.