02 Maýsym, 2020 Áleýmet
Baspana máselesin sheshý úshin «Shańyraq» pılottyq jobasy iske qosylady
Bul úshin 390 mlrd teńge bólinedi, onyń 180 mlrd teńgesi óńirlerde salynatyn áleýmettik baspana qurylysyna jumsalady
kórneki sýret
Kezekte turǵandardyń baspana máselesin sheshý úshin bıyl «Shańyraq» pılottyq jobasy ashylady. Bul týraly QR Indýstrııa jáne ınfraqurylymdyq damý mınıstri Beıbit Atamqulov aıtyp berdi, dep habarlaıdy QazAqparat tilshisi.
– Bıyl Memleket basshysynyń tapsyrmasymen kezekte turǵandardyń turǵyn úı máselelerin sheshý úshin "Shańyraq" pılottyq jobasyn iske qosamyz. Bul úshin 390 mlrd teńge bólinedi, onyń 180 mlrd teńgesi óńirlerde salynatyn áleýmettik baspana qurylysyna jumsalady. 210 mlrd teńge kezekte turǵandardy Turǵyn úı qurylys jınaq banki arqyly "5-10-20" sharttary boıynsha nesıeleýge jiberiledi, – dedi spıker Ortalyq kommýnıkasııalar qyzmetinde ótken esep berý brıfınginde.
Onyń aıtýynsha, jyl basynan beri shamamen 25 myń turǵyn úı nemese 3,1 mln sharshy metr baspana paıdalanýǵa berilgen. Jyl basynan beri 15 mln sharshy metr turǵyn úı salý jáne 39 myńnan astam otbasyn memlekettik qoldaýmen qamtý josparlanǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir