• USD 412.55
  • EUR 468.66
  • RUB 5.79
  • CNY 58.8

02 Maýsym, 2020 NEWS

Koronavırýs juqtyrǵan burynǵy vıse-mınıstr jańa qyzmetke taǵaıyndaldy

tengrinews.kz

Almaty qalasynyń ákimi Baqytjan Saǵyntaevtyń ókimimen Qamaljan Talǵatuly Nadyrov Qoǵamdyq densaýlyq basqarmasynyń basshysy laýazymyna taǵaıyndaldy. Bul týraly qala ákimdiginiń baspasóz qyzmeti habarlady.

Buǵan deıin Kamaljan Nadyrov densaýlyq saqtaý vıse-mınıstri qyzmetin atqardy.

Kamaljan Nadyrov 1983 jyly 27 aqpanda dúnıege kelgen.

Eki joǵary bilimi bar: S.J. Asfendııarov atyndaǵy Qazaq Ulttyq medısına ýnıversıtetin emdeý isi mamandyǵy boıynsha, Turan ýnıversıtetin – ekonomıst mamandyǵy boıynsha támámdaǵan. Qoǵamdyq densaýlyq saqtaý magıstri. Sondaı-aq Nazarbaev Ýnıversıtetiniń Joǵary bıznes mektebin (Execuitive MBA) bitirgen, «The Fuqua School of Business» Duke University-de (AQSh), «Parkway College» (Sıngapýr) oqý oryndarynda bilim alǵan.

Eńbek jolyn 2007 jyly ıntern-dáriger bolyp bastap, klınıkalyq ordınator, bólim meńgerýshisi, B.O. Jarbosynov atyndaǵy «Ýrologııa ǵylymı ortalyǵy» bas dırektorynyń orynbasary qyzmetterin atqardy.

2014 jyldan bastap Densaýlyq saqtaý mınıstrligi Medısınalyq qyzmetterdi standarttaý departamenti dırektorynyń orynbasary qyzmetin atqardy. 2015-2017 jyldary «Respýblıkalyq dıagnostıkalyq ortalyq» («University Medical Center») dırektory qyzmetin atqardy.

2017-2019 jyldary Astana qalasy Qoǵamdyq densaýlyq basqarmasynyń basshysy boldy.

2019 jylǵy naýryzda Qazaqstan Respýblıkasynyń Densaýlyq saqtaý vıse-mınıstri qyzmetine taǵaıyndaldy.

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir