• USD 405.69
  • EUR 455.51
  • RUB 5.72
  • CNY 57.42

02 Maýsym, 2020 NEWS

"Qylmyskerdiń jazalanýyn talap etemin". Blokbekette qaıtys bolǵan polıseıdiń anasy málimdeme jasady

Tengrinews

Almaty oblysynda № 4 blokbekette jol-kólik oqıǵasy saldarynan qaıtys bolǵan Dastan Ábdiqanovtyń anasy Janatgúl Ábdirova prezıdent Qasym-Jomart Toqaevtan ulynyń ólimine qatysty tergeýdi qadaǵalaýdy surap, Instagram paraqshasynda jazba jarııalady. 

– Men qyzmet babynda qaza bolǵan Dastan Abdyqanovtyń anasymyn. Dastan 26 jasynda Eli men Otany aldynda adal qyzmet etip júrip, kisi qolynan qaza boldy. Áleýmettik jeliden kelinim Dınara kúıeýiniń ólimine kináli Azat Azamatovtyń sýretin kórgende birden tanyǵan. Sebebi ol kúıeýi jumysta bolǵan ýaqytta únemi sóılesip otyrǵan, onyń kimmen birge smenge túsetinin jaqsy bilgen. "Qylmyskerdiń polısııada áli de jumys isteıtinin, jelide jalǵan aqparat taralyp jatqanyn, tek shyndyqty aıtyńyzdar" dep jazǵanyn rastaımyn. Ákesi tilshilerge kelinimen sóılespeı turyp, óz oıymen kelinim eshqandaı jazba qaldyrǵan joq dep suqbat bergen. Shyndyǵynda kelininiń jazbasy týraly bilmegen. Bizdiń bir-birimizben áńgimelesip, jeli qarap, talqylaýǵa jaǵdaımyz bolǵan joq, – dep jazdy Janatgúl Ábdirova.

Sondaı-aq, ol el Prezıdentine úndeý jasady.

– Men ulymnyń abyroıyna nuqsan kelmeýin jáne qylmyskerdiń ádil, zań talaptaryna saı, qatań jazalanýyn suraımyn. Bul asa qaıǵyly istiń aq qarasyn anyqtap, qylmyskerdiń ádil jazasyn alýyn talap etemin. Men eshkimge senbeımin. Qurmetti Prezıdent Qasym-Jomart Kemeluly Toqaev myrza, osy is tikeleı óz baqylaýyńyzda bolyp, qylmysker ádil jazasyn alady dep senemin, – dedi anasy.

Eske sala keteıik, 25 mamyr kúni tańǵa jýyq № 4 blokposta BMW júrgizýshisi mas kúıinde beton qorshaýǵa soǵylyp baryp, ınersııamen patrýldik polısııa kóligin soqqan. Jol-kólik oqıǵasynan eki polısııa qyzmetkeri kóz jumǵan bolatyn.

 
 
 
Posmotret etý pýblıkasııý v Instagram
 
 

Men qyzmet babynda qaza bolǵan Abdyqanov Dastannyń anasymyn. Dastan 26 jasynda Eli men Otany aldynda adal qyzmet etip júrip, kisi qolynan qaza boldy. Áleýmettik jeliden kelinim Dınara kúıeýiniń ólimine kináli Azat Azamatovtyń sýretin kórgende birden tanyǵan. Sebebi ol kúıeýi jumysta bolǵan ýaqytta únemi sóılesip otyrǵan, onyń kimmen birge smenge túsetinin jaqsy bilgen. "Qylmyskerdiń polısııada áli de jumys isteıtinin, jelide jalǵan aqparat taralyp jatqandyǵyn, tek shyndyqty aıtyńyzdar" dep jazǵanyn rastaımyn. Ákesi tilshilerge kelinimen sóılespeı turyp, óz oıymen kelinim eshqandaı jazba qaldyrǵan joq dep suqbat bergen. Shyndyǵynda kelininiń jazbasy týraly bilmegen. Bizdiń bir-birimizben áńgimelesip, jeli qarap, talqylaýǵa jaǵdaımyz bolǵan joq. Men ulymnyń abyroıyna nuqsan kelmeýin jáne qylmyskerdiń ádil, zań talaptaryna saı, qatań jazalanýyn suraımyn.Bul asa qaıǵyly istiń aq qarasyn anyqtap, qanysher qylmyskerdiń ádil jazasyn alýyn talap etemin.Men eshkimge senbeımin.Qurmetti Prezıdent Qasym-Jomart KemelulyToqaev myrza osy is tikeleı óz baqylaýyńyzda bolyp,qylmysker ádil jazasyn alady dep,senemin.

Pýblıkasııa ot Abırova Janatgýl (@abirovazhanatgul)

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir