• USD 405.69
  • EUR 455.51
  • RUB 5.72
  • CNY 57.42

01 Maýsym, 2020 NEWS

Anar Fazyljan A.Baıtursynuly atyndaǵy Til bilimi ınstıtýtynyń basshysy atandy

inform.kz

Belgili ǵalym, fılologııa ǵylymdarynyń kandıdaty Anar Fazyljan Ahmet Baıtursynuly atyndaǵy Til bilimi ınstıtýtyna basshy bolyp taǵaıyndaldy. Aqparatty Til bilimi ınstıtýty rastady.

Anar Fazyljan buǵan deıin Sh.Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynyń ǵalym hatshysy, A.Baıtursynuly atyndaǵy Til bilimi ınstıtýty dırektorynyń orynbasary qyzmetin atqarǵan.

Til bilimi ınstıtýtynyń burynǵy dırektory fılologııa ǵylymdarynyń doktory, professor Erden Qajybek, ınstıtýttaǵy bólim meńgerýshiligine aýysqan.

Anar Fazyljanova Muratqyzy 1974 jyly Almaty oblysy Aqsý aýdany Jansúgir kentinde dúnıege kelgen

1980 jyly Aqsý aýdany Qarakóz keńsharynyń Qyzyloraq orta mektebiniń birinshi synybyna qabyldanyp, 1991 jyly orta mektepti Jansúgir kentindegi qazirgi J.Sydyqov atyndaǵy orta mekteptiń 11 synybyn «Altyn medalmen» úzdik bitirgen.

Sol jyly Taldyqorǵan qalasyndaǵy Ilııas Jansúgirov atyndaǵy Jetisý memlekettik ýnıversıtetiniń Fılologııa fakýltetine Qazaq mektepterindegi orys tili men ádebıeti, qosymsha tarıh mamandyǵy boıynsha oqýǵa túsip, 1996 jyly oqý ornyn úzdik dıplommen aıaqtap shyqty.

1996 jyldyń qarashasynda QR Ulttyq ǵylym akademııasynyń Ahmet Baıtursynuly atyndaǵy Til bilimi ınstıtýtynyń janyndaǵy aspırantýranyń kúndizgi bólimine oqýǵa tústi.

1999 jyly jeltoqsanda aspırantýrany bitirip, 2000 jyldyń mamyrynda Z.M.Bazarbaevanyń ǵylymı jetekshiligimen «Qazaq tilindegi qosquramdy qurmalas sóılem ıntonasııasy (eksperımenttik-fonetıkalyq zertteý)» atty taqyrypta kandıdattyq dıssertasııasyn 10.02.02 – qazaq tili mamandyǵy boıynsha qorǵap shyqty.

Ár jyldary A.Baıtursynuly atyndaǵy Til bilimi ınstıtýtynda ǵylymı qyzmetker, kishi ǵylymı qyzmetker, aǵa ǵylymı qyzmetker bolyp jumys istegen.

2004 jyldan 2008 jyldar aralyǵynda Instıtýttyń ǵalym hatshysy laýazymyn atqardy.

2001-2003 jyldar aralyǵynda Abaı atyndaǵy Qazaq ulttyq pedagogıkalyq ýnıversıtetinde Qazirgi qazaq tili men ádistemesi teorııasy kafedrasynda oqytýshy bolyp jumys istedi.

Osy ýaqytta qazirgi qazaq tiliniń fonetıkasy, morfologııasy, sıntaksısi, sondaı-aq Paralıngvıstıka, Kompıýterlik lıngvıstıka sııaqty kýrstardan dáris oqyp, semınar sabaqtar júrgizdi, qazaq fılologııasy magıstranttaryna arnalǵan «Kompıýterlik lıngvıstıka», «Paralıngvıstıka», stýdentterine arnalǵan «Morfologııa» kýrstary boıynsha tıptik jáne jumys baǵdarlamalaryn ázirledi.

1999-2002 jyldary Talantty jas ǵalymdarǵa arnalǵan QR Prezıdentiniń stıpendıaty, 2007 jyly M.Áýezov atyndaǵy talantty jas ǵalymdarǵa arnalǵan memlekettik syılyqtyń ıegeri, 2008 jyly QR Tuńǵysh Prezıdenti qorynyń Ǵylym men tehnıka salasyndaǵy premııasynyń laýreaty atandy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir