• USD 468.56

  • EUR 497.56

  • RUB 7.3

  • CNY 67.18

29 Naýryz, 10:23:08
Almaty
+35°

"Soltústik Koreıadaǵy ómiri týraly qoryqpaı aıtqan erjúrek adamdar Qytaıdaǵy mafııalardyń Kım Chen Ynǵa kómektesetinin málimdedi" dep jazdy The New York Times Post.

Basylymnyń aqparatynsha, Soltústik Koreıadan qashyp shyqqan Pak Enmı esimdi qyz jeti jyl boıy jasyrynyp júrýge májbúr bolǵan. Onyń sebebi qytaı mafııalary Soltústik Koreıadan qashqandardy qorqytyp, paıdalanady nemese Kım Chen Ynǵa qaıta tapsyryp beredi.

Pak Enmı Soltústik Koreıadan qashqannan keıin basynan ótkergen qıynshylyqtaryn egjeı-tegjeıli aıtyp berdi. Ol Kımniń ákesi Kım Chen Irdiń kezinde Coltústik Koreıada bolǵan.

– Jas áıel is júzinde Soltústik Koreıamen shekaralasatyn Qytaı qalasynda turǵan, – dep habarlaǵan Avstralııalyq «Dateline» shoýynyń 2014 jylǵy úzindisi.

Soltústikkoreıalyq qyzdyń aıtýynsha, Qytaı mafııalaryna qatysy bar jergilikti meıramhanalar ony  paıdalanǵan. Pak Enmı jáne onyń tanystary qashyp ketýge tyrysqanda, mafııalar olardy qýyp jetip, olardy óltirmek nemese Soltústik Koreıaǵa qaıtaryp bermek bolǵan.

Pak Enmıge "seniń Soltústik Koreıadan ekenińdi bilemiz, sondyqtan osynda jumys isteýge ruqsat bergenimiz úshin bizge rızashylyq bildirýiń kerek. Aqsha týraly oılama" degen.

– Bul meniń jumysyma aqy tólenbeıdi degen sóz, – degen soltústikkoreıalyq áıel. 

– О́te qorqynyshty  boldy. Olar meni qorqytty, eger men qashyp, olar ustap alsa, meni óltiretinderin bildim. Men tek sony bildim. Bul meniń Ońtústik Koreıaǵa kelýimniń basty sebebi boldy, – dedi ol.

Pak hanymnyń kóptegen oqıǵalary týraly aıtý tym aýyr ekenin jáne olardy sıpattaýdan qorqatynyn aıtqan.

– Siz maǵan eń qatal jáne qorqynyshty suraq qoıdyńyz, siz menen suraǵanda qatty ýaıymdadym, – dedi ol.

2014 jyly qańtarda Pak hanym Ońtústik Koreıadan baspana alǵanǵa deıin onyń otbasy ony "qaıtys boldy" dep oılaǵan, alaıda úmitterin úzbegen.

"Qamshy" silteıdi
Ilmek sózder: Soltústik Koreıa

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir