• USD 411.66
  • EUR 465.92
  • RUB 5.81
  • CNY 58.79

31 Mamyr, 2020 NEWS

Almas Ahmetbek: Alashordashylardyń elge qylǵan qyzmeti biz úshin qubyla bolýǵa tıis

Qamshy.kz

Búgin Qamshy portalynyń redaksııasy saıası qýǵyn-súrgin jáne asharshylyq qurbandarynyń arýaǵyna taǵzym etti. Almatydaǵy Qarasaı batyr jáne Naýryzbaı batyr kósheleri qıylysyndaǵy saıabaqta ornatylǵan eskertkishke gúl shoqtary qoıylyp, quran oqyldy.

Ataýly kúnge arnalyp saıabaq ishindegi alańqaıǵa 20 alash qaıratkeriniń sýretinen fotogalereıa uıymdastyryldy.

f

f

Shara barysynda QR mádenıet qaıratkeri, aqyn Almas Ahmetbek sóz alyp, qazaq halqynyń tarıhyndaǵy náýbet kezeń tutas ulttyń jartysyn joıyp jibergenin aıtty.

f

– Keńes úkimetiniń qoldan uıymdastyrǵan asharshylyǵy men qyzyl áskerdiń qazaq qaımaqtaryn qasaqana qyrýynyń kesirinen halqymyzdyń jartysy opat boldy. Tipti bizge ult retinde joıylyp ketý qaýpi tóngen bolatyn. Alaıda halqymyzdyń qaısarlyǵynyń arqasynda ult bolyp saqtalyp qalý baǵy buıyryp, táýelsizdikke qol jetkizip, búgin mine, osynda turǵan jaıymyz bar. Asharshylyq pen qýǵyn-súrgin qurbandary týraly aıtý óte aýyr. Bul qazaq tarıhyndaǵy eń zulmatty kezeńderdiń biri. Bizge qalǵany alash arystary armandaǵan táýelsizdikti baıandy, memlekettimizdi qýatty etý. Alashordashylardyń elge qylǵan qyzmeti biz úshin qubyla bolýǵa tıis. Olar elin, jerin sheksiz súıdi. Ult úshin týyp, ult úshin ómir súrdi. Sońǵy demi shyqqansha ult dep ótti. Buny jadymyzdan eshqashan shyǵarmaýymyz kerek. Osy maqsatta búgin osynda bas qosyp otyrmyz. Jýrnalıst, saıası tulǵa retinde qalyptasyp kele jatqan azamat Bilál Qýanysh bas bolyp Qamshy portalynyń ul-qyzdary alash ardaqtylarynyń sýretterinen ashyq aspan astyndaǵy fotogalereıa uıymdastyrypty. Igi sharadan men de qalys qalmaıyn dep, bolashaǵymyz gúldi bolsyn dep yrymdap qurbandar eskertkishine bir tal gúlimizdi qoıýǵa keldik, – dedi aqyn.

Gúl shoqtaryn qoıýǵa qala turǵyndarymen qatar jeltoqsanshylar, jýrnalıster, mádenıet jáne óner adamdary bardy.

f

 f

f

f

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir