Tramp Qytaı azamattarynyń AQSh-qa kirýin toqtatatynyn aıtty

AQSh prezıdeni Donald Tramp óziniń Twitter paraqshasyna Aq úıdegi brıfıngtiń 9 mınýt 26 sekýndtyq úzindi vıdeosyn jarııalady. Vıdeoda Tramp "keıbir qytaılyq azamattardyń AQSh-qa kirýin ýaqytsha toqtatatynyn" aıtty. 

Qytaıdy "AQSh-tyń ındýstrııalyq qupııalaryn urlaý úshin «zańsyz tyńshylyq» jasady" dep aıyptaǵan Donald Tramp Qytaıdyń keıbir azamattarynyń Amerıkaǵa kirýine tyıym salatynyn jetkizdi. Belgili stýdentterdiń Qytaıdan AQSh ýnıversıtetterine kelýin toqtata turý týraly málimdeme shyǵaratynyn jarııalady.

– Birneshe jyldar boıy Qytaı úkimeti bizdiń ındýstrııalyq qupııalardy urlaý maqsatynda zańsyz tyńshylyq jasady. Búgin men memleketimizdiń mańyzdy zertteýlerin jaqsartýǵa shaqyramyn jáne bizdiń qaýipsizdigimizdiń yqtımal qateri retinde anyqtalǵan keıbir qytaılyq azamattardyń Amerıkaǵa kirýin toqtata turýǵa shaqyramyn, – dedi AQSh prezıdenti.

Aıta keteıik, keshe Tramp ákimshiligi qytaılyq stýdentterdiń vızasyn jaramsyz etýge daıyndalyp jatqany jaıynda Aq úıdiń ishki talqylaýyna qatysqan bir sheneýniktiń beıresmı málimdemesin jarııalaǵan bolatynbyz. Aq úı sheneýnigi buıryqtyń "osy aptanyń ishinde tez arada jarııalatynyn" aıtqan.