• USD 412.55
  • EUR 465.73
  • RUB 5.79
  • CNY 58.91

30 Mamyr, 2020 NEWS

AQSh saıasatkeriniń shuǵyl eskertýi: Qytaı Amerıkamen soǵysýda

Kórneki sýret

Amerıkalyq saıasatker Beıjiń AQSh-pen "soǵysýda" dep málimdedi. Bul týraly Qamshy tilshisi brıtanııalyq Daily Express gazetine silteme jasap habarlaıdy. Brıtanııalyq basylym "Amerıka saıasatkeri Qytaıdyń AQSh-pen soǵysyp jatqanyn shuǵyl eskertti" degen taqyryppen aqparat jarııalady.  

Koronavırýstyń taralýyna, Gonkongtyń egemendigi máselesine jáne Ońtústik Qytaı teńizindegi shıelenisterge baılanysty Beıjiń men Vashıngton arasyndaǵy qarym-qatynas  nasharlaı túsýde. 

AQSh Oklahoma shtatynyń respýblıkashyldar ókili Kevın Ernnyń oıynsha, energııaǵa baı Ońtústik Qytaı teńizindegi Beıjiń kúshteriniń artýy eki el arasyndaǵy qaıshylyqty kúsheıtetin qaýipti faktor bolmaq. 

О́kilder palatasynyń múshesi Ern "qytaılyq áskerı kúshter AQSh-tyń kemelerine qaýip tóndirip otyr" dep aıyptady. Onyń pikirinshe, Beıjińniń ekonomıkasy men áskerı-teńiz kúshteri artatyn bolsa, jaǵdaı tipti nasharlaı túsedi.

Vashıngtonda shyǵatyn The Hill gazetine bergen suhbatynda ol: "Biz Qytaımen soǵyspaýymyz múmkin, biraq olar bizben soǵysýda" degen. 

– Ońtústik Qytaı teńizinde Qytaı Áskerı-teńiz kúshteri aral-bekinister salýda jáne olardyń áskerı kemeleri halyqaralyq saýda baǵyttaryn qamtamasyz etetin AQSh áskerı-teńiz kúshterine qaýip tóndirýde, – deıdi ol.  

 

Ilmek sózder: AQSh Qytaı

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir