Tramp ákimshiligi Qytaı stýdentteriniń vızalaryn jaramsyz etpek

Tramp ákimshiligi "Qytaı áskerı kúshterimen baılanysty bolýy múmkin" dep boljanǵan myńdaǵan qytaı stýdentteriniń vızalaryn jaramsyz etýdi josparlap otyr. Aqparat týraly alǵash jazǵan Nıý-Iork Taımstyń málimetinshe, bul qadam 3000-nan 5000-ǵa deıingi qytaılyq stýdentterge áser etýi múmkin. 

Nıý-Iork Taımstyń aqparatynsha, AQSh-tyń bir laýazymdy tulǵasy jáne prezıdent ákimshiliginiń ishki talqylaýlarymen tanysqan taǵy bir adam buıryq osy aptanyń ishinde tez arada jarııalanýy múmkin ekenin málimdegen .

Ishki talqylaýlarǵa qatysqan qyzmetkerdiń aqparatynsha, Amerıka Qurama Shtattarynda júrgen qytaılyq stýdentterdiń vızalary kúshinen qaldyrylyp, elden shyǵarylady. Al AQSh-tan tys júrgen qytaılyq stýdentterge qaıta Amerıkaǵa kirýge ruqsat berilmeıdi.

– Bul qadamnyń negizgi maqsaty - keıbir qytaı azamattarynyń AQSh ýnıversıtetteri men kolledjderine baryp, tyńshylyq pen zııatkerlik menshik urlyǵyn jasaýyna tyıym salý,– dep habarlaǵan aqparat kózderi. 

Nıý-Iork Taımstyń málimetinshe, mundaı sheshim keıbir AQSh ýnıversıtteri jaǵynan qarsylyqqa ushyraýy múmkin, sebebi AQSh joǵary oqý oryndarynda bilim alatyn 360,000 qytaı azamaty jyl saıyn oqý jáne basqa tólemder aryqyly olarǵa 14 mlrd dollar qarjylyq tabys ákeledi.