"Sen sasyqsyń ǵoı". Turǵynǵa til tıgizgen sheneýnik jumysynan qýyldy (vıdeo)

Almaty oblysy Ile aýdanynda turǵynǵa balaǵat sózder aıtyp, til tıgizgen sheneýnik jumysynan qýyldy, dep jazady tengrinews.kz. 

Vıdeodaǵy Ile aýdany ákimdiginiń qyzmetkeri turǵynǵa "sen sasyqsyń" dep til tıgizgen. "Sen pýblıkaǵa oınama, sasısyń (...) Sasyqsyń ǵoı sen. Men senimdimin, jaýap beremin" deıdi sheneýnik vıdeoda.

Aýdan turǵyny áleýmettik jelide ákimdik qyzmetkerine shaǵym túsirgen. Onyń aıtýynsha, ol ákimdikte nege vıdeoǵa túsirýge bolmaıtynyn bilgisi kelgen. Osy ýaqytta onyń aldynan kásipkerlik bóliminiń basshysy shyǵypty.

– Nege ákimdik qyzmetkerleri smartfon paıdalanady? Al bizge nege ruqsat joq? Meniń oıymsha, bul bizdiń quqyǵymyzdy shekteıdi. Bir qyzmetker uıaly telefonǵa túsirgenim úshin ashýlandy. Ol karantın rejımin buzyp júrgenimdi aıtty. Biraq ózi maska taqpaı, karantındi buzyp júr, – deıdi turǵyn.

Ol sheneýniktiń "Mal, sasısyń. Qazir erkektiń bári kóılek kısin" dep ózine til tıgizgenin ashyq aıtyp, shaǵymdandy.