29 Mamyr, 2020 Oqıǵalar
Almaty qalasynda qoımada órt shyqty
Jeke quramnan 60 adam jáne 2-shi órt sóndirý bóliminiń 30 tonnalyq avtopoıyzy jumyldyryldy

Almatydaǵy órt shyqqan qoıma
Almaty qalasy Túrksib aýdanynda ornalasqan makýlatýra qoımasynan órt shyqty, dep habarlaıdy Qamshy.kz aqparat agenttigi.
Tótenshe jaǵdaı departamentiniń habarlaýynsha, órt Túrksib aýdany Bekmahanov kóshesi 96 G mekenjaıynan shyqqan. Qazir onda órt sóndirý bólimsheleri tilsiz jaýmen kúresýde.
"Aldyn ala málimet boıynsha órt makýlatýra qoımasynan shyqqan. Oqıǵa ornyna 15 tehnıka, jeke quramnan 60 adam jáne 2-shi órt sóndirý bóliminiń 30 tonnalyq avtopoıyzy jumyldyryldy. Sonymen qatar qyzyl jalynnyń jaqyn ornalasqan nysandarǵa jaıylyp ketpeýi úshin áreketter jasalyp jatyr. Gıdranttarǵa avtosısternalar ornatyldy",– dep habarlady TJD.
Derekkóz: QazAqparat
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir