28 Mamyr, 2020 NEWS
Ashyq derekkóz
Nur-Sultandaǵy tergeý ızolıatorynda kóz jumǵan belsendi Dýlat Aǵadildiń ólimine qatysty qozǵalǵan qylmystyq is toqtatyldy. Bul týraly Nur-Sultan qalalyq prokýratýrasy habarlady.
"Tájirıbeli sot-medısına sarapshylary men joǵary sanattaǵy kardıologtardan quralǵan komıssııa Aǵadil óliminiń sebepterin muqııat zerttedi. Aǵadildiń jaqyn týystarynyń ótinishi boıynsha komıssııaǵa engen sarapshylar da bar. Olardyń anyqtaýynsha, Aǵadildiń ólimine júrek aýrýlarynyń asqynýy sebep bolǵan" delingen habarlamada.
Prokýratýranyń habarlaýynsha, komıssııa músheleri Aǵadil denesinen jaraqat tappaǵan.
"Aǵadildiń ólimine oǵan qoıylǵan asqynǵan mıokard ınfarkty dıagnozy sebep boldy. Nátıjesinde qan uıyǵyshtyǵy buzylyp, sol jaq júrek qarynshasynda qan jetkiliksizdigi baıqalǵan. Sarapshylar Aǵadildiń denesinen jaraqattar anyqtamady. Osyǵan baılanysty 25 mamyrda Aǵadilge qatysty is qylmystyq erejebuzýshylyq bolmaǵandyqtan toqtatyldy", - dedi prokýratýradaǵylar.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir