• USD 412.55
  • EUR 468.66
  • RUB 5.79
  • CNY 58.8

28 Mamyr, 2020 NEWS

Tramp Twitter-di japqyzatynyn málimdedi, Facebook Tramp jaǵyna shyqty

Twitter.com

AQSh prezıdenti Donald Tramp óziniń Twitter-degi paraqshasynda ınternet alpaýyttaryn tekserýge alatynyn, tipti olardyń kompanııalaryn japqyzatynyn málimdedi. Bul týraly Qamshy tilshisi AQSh prezıdentiniń Twitter paraqshasyna silteme jasap habarlaıdy. 

"Respýblıkashyldardyń oıynsha, áleýmettik medıaplatformalar konservatorlardyń daýystaryn múldem óshirýde. Biz olardy qatań túrde retteımiz nemese jaýyp tastaımyz, biz buryn olarǵa jol berip keldik. Olardyń 2016 jyly jasaǵysy kelgen áreketterin kórdik, biraq onysy sátsiz aıaqtaldy. Endi ondaıdyń neǵurlym kúrdeli nusqasyna jol bere almaımyz..." dep jazdy Tramp Twitter paraqshasynda.

AQSh prezıdenti kóp ótpeı taǵy bir jazbasyn iri ınternet kompanııalaryna arnady:

"Alpaýyt teh-kompanııalar 2020 jylǵy saılaýǵa deıin senzýraǵa bar kúshin salýda. Eger bulaı bolatyn bolsa, biz bostandyǵymyzdy joǵaltamyz. Men buǵan eshqashan jol bermeımin! Olar 2016 jyly solaı isteýge qatty tyrysty jáne jeńildi. Endi olar múldem jyndanyp bara jatyr. Qulaǵyńyz (maǵan) túrýli bolsyn!!!" dep jazdy ol.

AQSh prezıdentiniń bul qadamǵa barýyna Twitter kompanııasy onyń jazbalaryna qatysty faktchekıng siltemelerin qosýy sebep bolǵan. 

Tramptyń jazbasyna Twitter kompanııasynyń bas atqarýshy dırektory Djek Dorsı jaýap berip, "Biz búkil álem boıynsha saılaý týraly qate nemese daýly aqparatty kórsetýdi jalǵastyramyz" dep jazdy.  

Al Tramptyń Twitter paraqshasyna Logan Dobson degen jeli qoldanýshy Facebook basshysy Mark Sýkerbergtiń FoxNews-qa bergen suhbatyn bólisti. Onda Mark Sýkerberg prezıdent Tramptyń Twitter-degi jazbasyn tekserý durys emestigin málimdegen. Ásilinde, faktchekıng jasalǵan jazbada AQSh prezıdenti "poshta arqyly jiberilgen bıýlletender saılaýshylardyń alaıaqtyǵyn arttyrady" degen syńaıdaǵy kúmánin jarııalaǵan.

Sýkerbergtiń kózqarasy boıynsha, áleýmettik medıaplatformalar "shyndyqtyń arbıtri" bolmaýy kerek.

– Bul týraly, meniń oıymsha, bizde Twitter-ge uqsamaıtyn saıasat bar, – degen Sýkerberg beısenbi kúni Fox News-qa.

Sýkerberg sózin jalǵastyra otyryp "Men Facebook adamdardyń ınternette aıtatyn sózderiniń arbıtri bolmaýy kerek dep senemin. Jalpy alǵanda, jeke kompanııalar olaı bolmaýy kerek, ásirese bul platformalyq kompanııalar mundaı jaǵdaıda bolmaýǵa tıis" degen.

 

Ilmek sózder: Tramp Twitter

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir