• USD 412.55
  • EUR 465.73
  • RUB 5.79
  • CNY 58.91

28 Mamyr, 2020 NEWS

Prezıdent Ahmetjan Esimovti qabyldady

Aqorda

Qazaqstan Prezıdenti «Samuryq-Qazyna» UÁQ» AQ basqarma tóraǵasy Ahmetjan Esimovti qabyldady, dep habarlaıdy Aqorda. Memleket basshysyna kompanııalar tobyndaǵy qazirgi ahýal týraly baıandaldy.

Ahmetjan Esimovtiń aıtýynsha, daǵdarys pen karantın kezeńi bastalǵaly beri «Samuryq-Qazyna» kompanııalar tobyna qarasty óndirýshi kásiporyndarda jumys oryndaryn qysqartýǵa, eńbekaqyny keshiktirýge jol berilmegen.

Qor men kompanııalar tobynyń qarjylyq ornyqtylyǵyn kúsheıtý jónindegi buǵan deıin júrgizilgen sharalar ótken jyldarda jınalǵan syrtqy qaryzdy 8 mıllıard dollaryna azaıtýǵa múmkindik berdi.

Bul 1 trıllıon teńge kóleminde qarjy shyǵynynyń aldyn alýǵa múmkindik berdi. Sonymen qatar kólemi 1 mıllıard dollary bolatyn kúrdeli ári operasııalyq shyǵyndar ońtaılandyryldy.

Qor Qasym-Jomart Toqaevtyń satyp alý júıeleri arqyly el ekonomıkasyna qoldaý kórsetý jónindegi tapsyrmalaryn oryndaıdy. Bıyl jyl basynan beri «Samuryq-Qazyna» kompanııalar toby 250 myńǵa jýyq adam jumys isteıtin otandyq kásiporyndarǵa 9 myń tapsyrys bergen. Budan bólek qazaqstandyq kásiporyndardy qoldaý jáne jańa óndiris oryndaryn ashý baǵdarlamasy júzege asyrylyp jatyr.

Kezdesýde Ahmetjan Esimov Qasym-Jomart Toqaevqa jekeshelendirý baǵdarlamasynyń júzege asyrylý barysy týraly esep berdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir