Pasportty, júrgizýshi kýáligin, dıplomdy smartfonnan kórsetý jetkilikti bolýy múmkin

EGov mobile qosymshasynda qoljetimdi qujattar sany arta túsýi múmkin. Bul azamattar tarapynan kelip túsken usynystar negizinde júzege aspaq. Sıfrlyq damý, ınnovasııalar jáne aeroǵarysh ónerkásibi mınıstri Asqar Jumaǵalıevtyń sózinshe, qosymsha taǵy 11 qyzmetpen tolyǵýy yqtımal.

"О́tken aptada eGov mobile qosymshasynda bolatyn jáne tıisti zań qabyldanǵan soń, qaǵaz qujattardyń zańdy balamasy retinde qoldanylatyn sıfrlyq qujattar týraly jazba jarııalaǵan edim. Qazir qosymshada bar qujattardan basqa, taǵy qandaı qujattardyń smartfonyńyzda bolǵanyn qalaısyz degen suraǵyma sizderden kóptegen usynys kelip tústi. Sol boıynsha tizim jasadyq:

1. Pasport
2. Júrgizýshi kýáligi
3. Stýdenttik bılet
4. Kóliktiń tehpasporty
5. Áskerı bılet
6. Dıplom
7. Qarýdy paıdalanýǵa berilgen ruqsat
8. Zeınetker kýáligi
9. Ańshylyq bılet
10. Múgedektigi týraly kýálik
11. Jyljymaıtyn múliktiń tehpasporty

Osy qujattardyń birqataryn mobıldi qosymshaǵa engizý úshin tıisti memlekettik organdarǵa hat joldap, qajetti ıntegrasııany júrgizý múmkindigin qarastyrýdy usyndyq.

Vedomstvoaralyq komıssııanyń jaqyn ýaqytta ótetin otyrysynda bul prosesti jedeldetý úshin atalǵan máseleni talqylaýdy josparlap otyrmyz" delingen mınıstrdiń facebook-taǵy jazbasynda.