Mańǵystaýda halyqtyń qaýipsizdigin qamtamasyz etý maqsatynda 6 ýchaskede shomylýǵa tyıym salyndy 

Mańǵystaýda halyqtyń qaýipsizdigin qamtamasyz etý maqsatynda 6 ýchaskede shomylýǵa tyıym salyndy.

Bul týraly Mańǵystaý oblystyq qoǵamdyq kommýnıkasııa ortalyǵynda ótken brıfıngte oblystyq tótenshe jaǵdaılar departamentiniń basshysy Qýanar Bazarbaev habarlady.

Jyl saıyn jaz mezgiliniń bastalýymen Kaspıı teńiziniń jaǵalaýynda demalatyn halyq aǵyny ósýde. Osyǵan baılanysty, statıstıka boıynsha, jazǵy aıynda sýdaǵy qaýipsizdik erejelerin saqtamaýdan adamdardyń sýda qaza bolýy men jaraqattanýynyń shyńy baıqalady. Sý obektilerinde adamdardyń qaýipsizdigin qamtamasyz etý MO tótenshe jaǵdaılar departamentiniń nazarynda. Alaıda, qyzmetkerlerdiń sýdaǵy qaýipsizdik erejelerin saqtaý týraly eskertýlerine qaramastan, halyqtyń bárine birdeı udaıy qamtylmaýy múmkin. Júrgizilgen taldaý boıynsha, sýdaǵy opat bolýdyń negizgi sebebi sýdaǵy qarapaıym qaýipsizdik erejeleriniń saqtalmaýyna, tıym salynǵan jáne jabdyqtalmaǵan oryndarda shomylýǵa, sýda mas kúıinde bolýǵa, sondaı-aq balalardy qaraýsyz qaldyrýshy ata-analardyń jaýapsyzdyǵyna baılanysty boldy.

Sýǵa shomylý maýsymy kezinde adamdardyń qaza bolýy men mertigýine jol bermeý maqsatynda sý aıdyndarynyń 6 ýchaskede shomylýǵa tyıym salynǵan jáne tıisinshe ruqsat etilgen – 38 ýchaskeleri boıynsha normatıvtik qujattar qabyldandy. Jospar aıasynda 2020 jylǵy sýǵa shomylý maýsymy kezeńinde oblys halqynyń qaýipsizdigin qamtamasyz etý boıynsha uıymdastyrý, aldyn alý jáne praktıkalyq is-sharalar kesheni qarastyryldy.

MO tótenshe jaǵdaılar departamenti óńir turǵyndaryna, onyń ishinde balalarǵa  profılaktıkalyq, úgit-nasıhat jumystary reıdtik sharalar turaqty túrde júrgizilýde. О́tken jyly 29 reıd ótkizilip, ákimshilik quqyq buzýshylyq kodeksiniń 440-baby boıynsha 13 adam 176 750 tenge kóleminde ákimshilik jaýapkershilikke tartyldy.  Sýdaǵy adam shyǵynyn boldyrmaý maqsatta profılaktıkalyq is-sharalar shomylý maýsymy aıaqtalǵanǵa deıin júrgiziledi.

Aıta ketý kerek, turǵyndardyń shomylý maýsymyndaǵy qaýipsizdigin  Aqtaý, Fort-Shevchenko, Quryq aýyly men Kendirli demalys bazasyndaǵy jedel-qutqarý bólimsheleri qamtamasyz etedi.