Nur-Sultanda sanıtarlyq normalardy saqtamaǵan birqatar nysan jabyldy

Elordada sanıtarlyq normalardy buzǵan 12 nysan jabyldy. Bul týraly qala ákimdiginiń baspasóz qyzmeti habarlady.

Ákimdiktiń mobıldi toby polıseıler jáne epıdemıolog mamandarmen birlesip, sanıtarlyq normalardy buzǵan nysandardy anyqtaý úshin kún saıyn reıd júrgizedi.

Mamyrdyń 21-26 aralyǵynda 150 kásiporyn tekserildi. Sanıtarlyq normalardy buzǵan 12 nysan jabyldy. Olar dámhana, meıramhana, bar, azyq-túlik dúkeni, spa-salon jáne t.b. Sondaı-aq, «Brýno», «Roofork» jáne t.b. birqatar nysanǵa aıyppul salyndy.

Jumysyn qaıta bastaǵan nysandar sanıtaızerler ornatyp, qyzmetkerleri men kelýshileri maska kıip, araqashyqtyqty ustaný syndy sanıtarlyq normalardy saqtaýy tıs.

Sanıtarlyq dárigerdiń qaýlysymen COVID-19 indeti tolyqtaı joıylmaıynsha túngi klýb, fıtnes klýb, jattyǵý zaldary, spa salondar, massaj kabınetteri, kosmetologııalyq ortalyqtar, klınıkalar, ortalyqtar jáne t.b. jumysyna tyıym salyndy.

Buǵan deıin sanıtarlyq talaptardy buzǵan 26 nysan jabylǵan bolatyn. Onyń ishinde qurylys komapnııalary, dúkender, dámhanalar men meıramhanalar bar. Bul nysandar sanıtarlyq-epıdemıologııalyq normalardyń qatań saqtalýyn qamtamasyz etpeıinshe jabyq bolady.

150 kásiporyn eskertý aldy. Mundaı qatań sharalardy ustanýdaǵy maqsat –  koronavırýstyń talaýyna jol bermeý.