• USD 412.55
  • EUR 465.73
  • RUB 5.79
  • CNY 58.91

27 Mamyr, 2020 NEWS

"Qazaqstanda basty kedergi – mekteptiń jetispeýshiligi"

syrlasu.kz

Ulttyq qoǵamdyq senim keńesiniń múshesi Raýan Kenjehanuly Qazaqstanǵa mektepterdiń jetispeıtinin aıtyp, bir aýysymda oqýdy usyndy.

– Qoǵamdyq senim keńesiniń májilisi bilim berý taqyrybyna arnalýy – elimizdegi ózekti máselelerdiń biri. Birinshiden, basty kedergi – mekteptiń jaǵdaıy dep oılaımyn. Naqtyraq aıtsaq, Qazaqstanǵa mektep jetispeıdi. Qazirgi tańda elimizde 7400 mektep bar, onda jalpy 3,5 mln-nan asa bala oqıdy. Onyń 70 paıyzy eki aýysymda, al 200-myń bala 3 aýsymdy mektepte oqıdy. Sońǵy jyldary Qazaqstan bilim berýdiń mazmunyn jańartýǵa kóp kúsh saldy. Ilgeri damyǵan elderdiń talaptaryna baǵyttaldy. Biraq biz talaptarǵa umtylǵan elderdiń eshqaısysynda 3 nemese 2 aýysymdy oqytatyn mektep joq, – dedi keńes múshesi. 

Ol óz sózinde sapaly bilim berý úshin mekteptiń bir aýysymda jumys isteýi mańyzdy dep atap ótti.

– Bizdiń esebimizshe orta bilim berý júıesin tolyqtaı 1 aýysymǵa ótkizý úshin Qazaqstanǵa shamamen 3 myńdaı jańa mektep qajet. Mundaı aýqymdy máseleni memleket tek óz kúshimen tez arada sheshe almaıdy. Bizdiń usynysymyz – mektep salýǵa jeke qorlardy keńinen tartý, – dedi R. Kenjehanuly.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir