• USD 412.55
  • EUR 465.73
  • RUB 5.79
  • CNY 58.91

26 Mamyr, 2020 NEWS

Toǵjan Qojalıeva: «Parlament saılaýy» belgilengen merzimde ótedi dep oılaımyn

nege.kz

«Halyqqa adal qyzmet» (HAQ) partııasyn qurý boıynsha bastamashyl top jetekshisi Toǵjan Qojalıeva "Saıası partııalar týraly" zańǵa prezıdenttiń qol qoıýy parlament saılaýy merziminen buryn ótetinin bildirmeıdi degen pikirde.

– Prezıdent saılaýy kezinde kóptegen zań buzýshylyqtar tirkeldi. Sondyqtan  qazir máslıhat pen májilis saılaýy ótip, ol jerde de zańsyzdyqtar bolyp jatsa, onda halyqaralyq arenada eldiń saılaý júıesiniń ádildigine kúmán kúsheıedi. Eýropadaǵy qaýipsizdik jáne yntymaqtastyq uıymynyń (EQYU) osyndaı tujyrymy bar. Men eldegi beldi sheneýniktermen sóılesip, jaǵdaıdan habardar bolyp otyrmyn. Olardyń aıtýynsha, Parlament saılaýy merziminde bolady dep boljanýda, – dedi Qojalıeva.

Bastamashyl top jetekshisi saılaý týraly zańǵa birshama ózgerister engizý qajet dep esepteıdi. 

– Jalpy saılaý týraly zańda áıelder men jastarǵa arnalǵan kvotalardy partııalyq tizimge engizý talaby qoıyldy. Bul – negizi durys. Biraq atalǵan ózgeristen basqa da ózgerister engizý kerek edi. Saılaý aldyndaǵy ártúrli shekteýlerdi alyp tastaý qajet. Máselen, prezıdent saılaýyna túskisi keletin adamnyń memlekettik qyzmette 5 jyldyq tájirıbesi bolýy mindetti degen norma. Sondaı-aq parlamentke ótý tabaldyryǵyn 7 paıyzdan, keminde 5 paıyzǵa tómendetý qajet, – dedi ol. 

Toǵjan Qojalıeva bıliktiń partııany tirkeýde múshe sanyn 40 myń adamnan 20 myń adamǵa azaıtýy saıası reforma úshin jetkiliksiz dep esepteıdi.

– Qazaqstanda partııany tirkeýden ótkizý óte qıyn. Jańa zańdaǵy partııa tirkeýge qajetti 20 myń músheniń ózi saıası reforma úshin azdyq etedi. Máselen kórshiles Reseıdi alyp qarasaq, onda partııa tirkeý úshin 500 adam múshelikte bolsa jetkilikti. Sezd ózin ótkizý úshin 100 adam ǵana kerek. Negizi halyqtyń arasyndaǵy bedeldi partııaǵa 20 myń qol jınaý qıyn emes. Biraq ulttyq qaýipsizdik komıteti nemese basqa da zań organdary sol adamdar arasynan «Biz mundaıǵa qol qoımadyq» degen 100, ne 20 adamdy shyǵarýy ǵajap emes. Mundaıda partııa músheleri UQK-niń májbúrleýimen aıtqandarynan taıqyp ketýi múmkin, – deıdi bastamashyl top jetekshisi.

Onyń aıtýynsha, qazirgi ýaqytta partııa qurýǵa qajetti yntaly topqa kiretin myńnan asa adamnyń qoly daıyn. 

– Qazirgi ýaqytta qaramaǵymda 1000-nan asa adam bar. Sondaı-aq 20 myń adamdy jınaý júrip jatyr. Bizdiń naqty daıyndaǵan baǵdarlamamyz bar. Sol baǵdarlamadaǵy talaptardy oqyp, kórip, sony qoldaǵan adamdardy ǵana múshelikke qabyldaımyz. 20 myń adamdy jınaýdaǵy eń basty maqsat – máslıhattarǵa kirý. Bizdiń oıymyzsha májilisten buryn, elimizde máslıhat mańyzdy. О́ıtkeni ár aýdannyń óziniń máseleleri, suraqtary bar. Solardy sheshý qajet. Al májiliste tek zańdardy qarastyrady. Partııanyń ustanymy – elimizde barlyǵyna birdeı múmkindik baryn kórsetý, – dep sózin túıindedi.

Ilmek sózder: HAQ Qasym-Jomart Toqaev

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir